Қазақстандық қоғамдық бірлестік 20 жылдық мерейтойын атап өтті

ШҚО ТЖД-де Қазақстанның төтенше жағдайлар органдары ардагерлерінің қоғамдық бірлестігінің 20 жылдығына арналған жиын өтті.

ШҚО ТЖД бастығының міндетін атқарушы Фархат Әміре жиналған зейнеткерлер мен қызмет ардагерлерін осы айтулы оқиғамен құттықтап:

«Біз еліміздің қауіпсіздігі жолында аянбай еңбек еткен ардагерлеріміздің еңбегін бағалаймыз және құрметтейміз. Олар – болашақ құтқарушылар буынын тәрбиелеудегі бірегей ресурс», – деп атап өтті.

ШҚО ТЖД Ардагерлер кеңесінің төрағасы Иван Худяков өз сөзінде ардагерлердің қызметтің дамуына қосқан зор үлесін, олардың бөлісетін өмірлік және кәсіби тәжірибесінің маңызын айтты. Бұл – қоғам үшін маңызды ерекше бағыт.

ТЖМ ардагерлері – өрт сөндірушілердің, құтқарушылардың, әскери қызметшілердің, азаматтық қорғаныс және өнеркәсіптік қауіпсіздік мамандарының буыны.

Бүгінде Қазақстан ардагерлер бірлестігінің құрамында 21 филиал бар, олардың қатарында 8500-ден астам адам. Ардагерлер жас қызметкерлерді қазақстандық патриотизм рухында тәрбиелеу жұмыстарын жүргізеді. Қызмет барысында қаза тапқан қызметкерлердің отбасыларына, тыл ардагерлеріне және көмекке мұқтаж зейнеткерлерге қолдау көрсетіледі.

Іс-шарада ардагерлер мен жаңадан зейнетке шыққан қызметкерлер «Ардагер 20 жыл» төсбелгісімен және алғыс хаттармен марапатталды.

Сонымен қатар, «Қызықты хобби» атты фотобайқауда 3-орын алған ардагер Игорь Ильичев дипломмен марапатталды.

Жиын барысында қатысушылар өз әсерлерімен бөлісіп, қызметтің одан әрі дамуын талқылады. Мұндай оқиғалар тарихта ерекше орын алады.