Шығыс Қазақстанда су айдындарында патрульдеу күшейтілді

Шығыс Қазақстанда 30 градустан астам жылу бірнеше күн бойы сақталып келеді. Құтқарушылар көліктік бақылау инспекциясымен, жергілікті атқарушы органдармен, полицейлермен және еріктілермен бірлесіп, жаппай демалыс орындарында патрульдеуді күшейтті.

Он мыңдаған демалушылар демалуға келетін Бұқтырма су қоймасы ауданында шағын көлемді кемелердегі қауіпсіздік шараларын және суда демалушылардың мінез-құлық ережелерін сақтау тұрғысынан кең ауқымды рейд жүргізілді.

Басты міндет - судағы жазатайым оқиғалардың алдын алу. Жазғы маусымның басынан бастап облыста қауіпсіздік шаралары сақталмаған жағдайда су айдындарында 4 адам суға батып кетті, патрульдеу барысында құтқарушылар 12 демалушыға көмекке келіп, олардың өмірін сақтап қалды.

Уақтылы профилактиканың арқасында 35 құқық бұзушы әкімшілік жауапкершілікке тартылды (ҚР ӘқбтК 412-бабы бойынша).

Рейд демалушылар көбінесе арнайы жабдықталған орындардан гөрі өздерінің "жабайы жағажайлары" қауіпсіздігін қалап, шомылатын орындарды таңдауға тиісті көңіл бөлмейтінін көрсетті. Олар жүзу құралдарында болған кезде құтқару кеудешелерін кимейді. Көліктік бақылау инспекциясы шағын көлемді кемелерді пайдалану ережелері қалай сақталатындығын бақылады.

Құтқарушылар жағажай иелерімен жаппай шомылу орындарын тиісті жабдықтау бойынша жұмыс жүргізуде. Кезекші құтқарушылардың, дәрігерлердің, балаларға шомылуға арналған арнайы орындардың, құтқару құралдарының, буйкалардың болуы.

Өңірде шомылу маусымы басталғаннан бері барлығы 1113 рейд жүргізілді, олар су айдындарында азаматтардың қаза болуына жол бермеуге бағытталған.

Құтқарушылар патрульдеу үшін жаңа заманауи су техникасын, ұшқышсыз ұшу аппараттарын пайдаланады.