Баланы аман алып қалу үшін ҚР ТЖМ тікұшағы қажет болды

Қазақстан Республикасы Төтенше жағдайлар министрлігінің «Қазавиаспас» тікұшағы мен ұшқыштар Бейбіт Смағұлов пен Шыңғыс Мәлипьянов санитарлық авиацияның тәжірибелі дәрігерлері Рафаил Халитов пен Назым Бейсенбаеваның сүйемелдеуімен бір жасар сәби мен оның анасын шұғыл түрде

Өскемен қаласындағы медициналық мекемеге жеткізді.

Балаға шұғыл медициналық көмек қажет болды және босқа  уақыт жоғалтуға болмады.

Бүкіл рейс жақсы өтті. Төтенше жағдайлар министрлігінің ұшқыштары мен санитарлық авиация дәрігерлері үйлесімді әрі кәсіби әрекет етті.

Мұндай рейстер адам өмірін, әсіресе кішкентай пациенттерді құтқару үшін төтенше жағдайлар қызметтері арасындағы жедел әрекеттестіктің маңыздылығын атап көрсетеді.