ШҚО құтқарушылары Мемлекеттік рәміздер күнін салтанатты түрде атап өтті

Барлық бөлімшелерде қызметкерлер Отанға деген сүйіспеншілік пен патриоттық сезімді білдіре отырып, Қазақстан Республикасының Әнұранын орындаған іс-шаралар өтті!

Құтқарушылар Өскемен қаласындағы Мемлекеттік рәміздер тауына көтеріліп, 250 метрден астам биіктікті бағындырып, Қазақстан Республикасының Туын 480-нен астам баспалдақпен алып жүріп өтті.

Мемлекеттік рәміздер күніне орай әртүрлі флешмобтар мен жеке құрамның кітапханаларға баруы ұйымдастырылды.

«Барлық құтқарушылар атынан Мемлекеттік рәміздер күнімен шын жүректен құттықтаймын! Мемлекеттік рәміздер – тәуелсіздігіміздің негізі, халқымыздың белгісі. Біз бейбіт көгілдір аспанда желбіреген Туымызбен, бірлігіміздің белгісі – шаңырақты бейнелейтін Елтаңбамызбен және жүрегімізде жаңғыратын Әнұранымызбен мақтанамыз», – деп құттықтады ШҚО ТЖД бастығының орынбасары Фархат Әміре.