«Қауіпсіз терезелер» акциясы ұйымдастырылды

Қаражал қаласында «Қауіпсіз терезе» акциясы ұйымдастырылды.

Акцияның мақсаты көппәтерлі тұрғын үйлердің терезелерінен балалардың құлау фактілерінің алдын алу бойынша ата-аналармен үгіт-насихат жұмыстарын жүргізу.

Аталған іс-шараға полиция бөлімі, жергілікті атқарушы органдар және волонтерлар мен БАҚ өкілдері қатысты.

Профилактикалық жұмыстар кезінде барлығы 145 үй қамтылып, соның ішінде 10-нан астам көп балалы отбасылардың үйіне терезенің есіктеріне бұғаттаушы орнатылды.

Ересектерден келесі ұсыныстарды ескеруді сұраймыз:  

• Үйде кішкентай бала болса, терезелерді ашық қалдырмаңыз;  
• Жиһазды терезелердің жанына қоймаңыз; 
• Терезелер арнайы қорғаныс құрылғыларымен болуы керек;  
• Бала оны өздігінен аша алмайтындай етіп терезе тұтқасын құлыптаңыз; 
• Балалардың қауіпсіздігі тек сіздің қолыңызда!

Ұлытау облысы ТЖД баспасөз қызметі