Түркістан облысы ТЖД мен Қ.А. Яссауи атындағы ХҚТУ студенттермен кездесу өткізді
Тараптар Жол картасын іске асыру шеңберінде кадр даярлау және техникалық бағыттар бойынша бірлескен жұмысты одан әрі дамытуға келісті.
Түркістанда Қожа Ахмет Яссауи атындағы ХҚТУ инженерия факультетінің деканы Гулнур Казбекова мен Түркістан облысының ТЖД бастығының орынбасары Ақылбай Дайрабайұлының қатысуымен студенттермен кездесу өтті.
Кездесу барысында Жол картасын іске асыру шеңберінде оқу орнының мүмкіндіктері, мамандар даярлау бағыттары және ықтимал ынтымақтастық тетіктері таныстырылды. Болашақ мамандарға салалық қауіпсіздік негіздері және оқу-өндірістік практика тұрғысынан тәжірибе алмасу мүмкіндіктері түсіндіріліп, кәсіби қолдау көрсету жұмыстары жүргізілді.
ТЖМ жүйесінде жүргізіліп жатқан өзгерістер университет тарапынан, әсіресе инженерлік-техникалық бағыт тұрғысынан, жоғары қызығушылық тудыратыны атап өтілді.