Өрт қауіпсіздігі талаптарына сәйкестік туралы қорытындылар берудің мәселелері қаралды

Түркістан облысы Төтенше жағдайлар департаментінің қатысуымен Мемлекеттік сәулет-құрылыс бақылау органдарының, «Азаматтарға мемлекеттік қызметтер көрсету» мемлекеттік корпорациясының, жобалау және сараптама ұйымдарының, сондай-ақ «Атамекен» Ұлттық кәсіпкерлер палатасының өкілдерімен өрт қауіпсіздігі талаптарына сәйкестік туралы қорытынды беру мәселелері бойынша жұмыс кездесуі өткізілді.

Іс-шара барысында құрылыс объектілерін пайдалануға енгізу кезінде өрт қауіпсіздігі талаптарын сақтауды қамтамасыз ету, өрт қауіпсіздігі талаптарына сәйкестік туралы қорытынды беру тәртібі, қолданыстағы заңнамаларға сәйкес мемлекеттік қызмет көрсету ұйымдастырылуы, сондай-ақ мемлекеттік органдар мен мүдделі ұйымдар арасындағы өзара іс-қимылды жетілдіру мәселелері қаралды.

Кездесу қатысушыларына қолданыстағы нормативтік-құқықтық актілер талаптарын қолдану бойынша түсініктемелер берілді. Ерекше назар өрт қауіпсіздігі талаптарын қатаң сақтау қажеттілігіне және азаматтардың өмірі мен денсаулығын қамтамасыз етуге аударылды.