Түркістан, Қызылорда, Жамбыл облыстары мен Шымкент қаласы ДЧС өкілдері ТЖ-ға реакциялау кезіндегі өзара іс-қимыл мәселелерін талқылады.
Түркістан облысы Төтенше жағдайлар департаментінің бастамасымен Zoom платформасында «Төтенше жағдайлар туындаған кезде уақытылы көмек көрсету» тақырыбында дөңгелек үстел өтті. Шараға Түркістан облысымен шектесетін Шымкент қаласы, Қызылорда және Жамбыл облыстарының ТЖД өкілдері қатысты.
Кездесу барысында төтенше жағдайларды жою кезінде аймақаралық өзара іс-қимылды жетілдіру, күштер мен құралдарды жедел тарту, ақпарат алмасу және авариялық-құтқару жұмыстарын тиімді үйлестіру мәселелері қаралды.
Қатысушылар табиғи және техногенді төтенше жағдайлар туындаған кезде көршілес аймақтардың бірлескен әрекеттерін күшейту, халыққа уақытылы көмек көрсету және тәжірибе алмасу мәселелерін талқылады.
Арнайы назар Түркістан облысы, Шымкент қаласы, Қызылорда және Жамбыл облыстарының ТЖД арасындағы қолданыстағы бірлес бұйрықты қайта қарауға, оған өзгерістер мен толықтырулар енгізуге, сондай-ақ төтенше жағдайлар кезіндегі өзара іс-қимыл алгоритмін жетілдіруге аударылды.
Дөңгелек үстелдің қорытындысы бойынша бірлескен бұйрықты жаңарту және аймақаралық өзара іс-қимыл механизмдерін жетілдіру бойынша жұмысты жалғастыру жөнінде келісімге қол жеткізілді.
Осы бағыттағы бірлескен жұмыс төтенше жағдайларға реакция тиімділігін арттыруға, азаматтық қорғаныс жүйесін нығайтуға және халықтың қауіпсіздігін қамтамасыз етуге мүмкіндік береді.
Түркістан облысы ТЖД-де жеке құрамның эмоционалдық тұрақтылығын нығайту, күйзеліске төзімділігін арттыру және ұжымдағы өзара іс-қимылды дамытуға арналған психологиялық тренинг өтті.
Тренингті Түркістан облысы Төтенше жағдайлар департаментінің психологы өткізді. Іс-шараның мақсаты – қызметкерлердің эмоционалдық тұрақтылығын нығайту, коммуникативтік дағдыларын жетілдіру және ұжымдағы тиімді өзара іс-қимылды қалыптастыру.
Сабақ барысында қатысушылар мазасыздық деңгейін төмендетуге, қарым-қатынас дағдыларын дамытуға және күйзеліске төзімділікті арттыруға бағытталған тәжірибелік жаттығулар орындады. Сондай-ақ әріптестер арасындағы өзара қолдау, көмек көрсету және қызметтік қызмет барысында психологиялық саулықты сақтау мәселелеріне ерекше назар аударылды.
Мұндай іс-шаралар қызметкерлерді психологиялық сүйемелдеудің маңызды бөлігі болып табылады. Олар жеке құрамның моральдық-психологиялық ахуалын нығайтуға, ұжымның ұйымшылдығын арттыруға және қызметтік міндеттерді тиімді орындауға ықпал етеді.
Жазғы демалыс су жағасында тек жағымды естеліктер сыйлауы тиіс. Өкінішке қарай, әрбір шомылу маусымы алдын алуға болатын қайғылы оқиғалармен қатар жүреді.
Дүниежүзілік суға батудың алдын алу күніне орай Қазақстан Республикасы ТЖМ #СоңғыЖүзу ақпараттық акциясын бастайды. Акцияның басты мақсаты – судағы қауіпсіздік ережелерін елемеу адам өміріне қауіп төндіретінін әрбір азаматтың есіне салу.
Шомылу маусымы басталғалы бері ТЖМ құтқарушылары 177 адамды, оның ішінде 62 баланы құтқарды. Соған қарамастан, су айдындарында 93 адам, оның ішінде 30 бала қаза тапты.
Қайғылы оқиғалардың басым бөлігі шомылуға арналмаған және жабдықталмаған орындарда орын алады. Әрбір статистиканың артында адам өмірі, өз жақынын күткен отбасы мен туған-туыстарының қайғысы тұр.
Қазақстан Республикасы ТЖМ қарапайым қауіпсіздік ережелерін сақтауға шақырады:
- тек рұқсат етілген және жабдықталған орындарда шомылыңыз.
- шомылуға тыйым салынған жерлерге суға түспеңіз.
- су жағасында демалу кезінде алкогольдік ішімдіктерді тұтынбаңыз.
- белгіленген қалқыма белгілерден асып жүзбеңіз.
- көпірлерден, жарқабақтардан және басқа да қауіпті орындардан суға секірмеңіз.
- су көліктерінен қауіпсіз қашықтықты сақтаңыз.
- балаларды су жағасында ешқашан қараусыз қалдырмаңыз.
#СоңғыЖүзу акциясына қосылыңыз. Осы үндеуді жақындарыңызбен және достарыңызбен бөлісіңіз. Мүмкін, дәл сіздің ескертуіңіз біреуге дұрыс шешім қабылдауға және адам өмірін сақтап қалуға көмектесер.
Өзіңізді және жақындарыңызды сақтаңыз. Су немқұрайлылықты кешірмейді.
Түркістан облысы Төтенше жағдайлар департаменті Өнеркәсіптік қауіпсіздік басқармасы инспекторларының қатысуымен «Оңтүстік-Газ» ЖШС газ нысанында қауіпсіздік шаралары пысықталды.
Іс-шара Қазақстан Республикасының «Азаматтық қорғау туралы» Заңы және өнеркәсіптік қауіпсіздік саласындағы нормативтік құқықтық актілер талаптарына сәйкес ұйымдастырылды.
Негізгі мақсат – персоналдың төтенше жағдайлар кезіндегі іс-қимыл дайындығын тексеру, аварияларды жою бойынша практикалық дағдыларын жетілдіру, сондай-ақ өндірістік нысандағы өнеркәсіптік және өрт қауіпсіздігі талаптарының сақталуын қамтамасыз ету.
Шара барысында газ резервуарлары паркінде өрт туындаған жағдайда қызметкерлердің әрекет ету алгоритмдері қарастырылып, апат туралы хабарлау, арнайы қызметтермен өзара байланыс орнату, өртті оқшаулау және оның салдарын жою бағытындағы жұмыстар пысықталды.
Мұндай іс-шаралар өндірістік қауіпсіздік деңгейін арттыруға, қызметкерлердің төтенше жағдайларға дайындығын жетілдіруге және ықтимал авариялардың алдын алуға мүмкіндік береді.
Түркістан қаласында тұрғындар мен қала қонақтарының қауіпсіз әрі жайлы демалуына арналған жаңа шомылу жағажайы пайдалануға берілді.
Түркістан облысында тұрғындардың қауіпсіз әрі жайлы демалысын қамтамасыз ету мақсатында жаңа коммуналдық жағажай пайдалануға берілді. Жағажай халықтың тегін демалуына арналған және барлық қажетті қауіпсіздік талаптарына сай жабдықталған. (Тurkistan)
Жағажай аумағында құтқару бекеті, алғашқы медициналық көмек көрсету орны, қоғамдық тәртіпті қамтамасыз ету бекеті, киім ауыстыратын орындар, санитарлық тораптар мен қоқыс жәшіктері орналастырылған. Демалушылардың қауіпсіздігін қамтамасыз ету үшін кәсіби құтқарушылар кезекшілік атқарады. (Тurkistan)
Жағажайдың ашылу салтанатына жергілікті атқарушы органдардың өкілдері, Түркістан облысы Төтенше жағдайлар департаментінің қызметкерлері және тұрғындар қатысты. Іс-шара барысында азаматтарға судағы қауіпсіздік ережелері түсіндіріліп, арнайы жадынамалар таратылды.
Төтенше жағдайлар департаменті тұрғындарды тек рұқсат етілген жағажайларда шомылуға, балаларды қараусыз қалдырмауға, мас күйде суға түспеуге және құтқарушылардың талаптарын қатаң сақтауға шақырады.
Қауіпсіздік талаптарын сақтау – әрбір азаматтың өмірі мен денсаулығын қорғаудың басты кепілі.
Түркістан облысы ТЖД гарнизонында «ОТАН-БӘЙДІБЕК» оқу-өндірістік орталығы ЖШС-мен бірлесіп жүргізуші-қызметкерлердің жол қозғалысы қауіпсіздігі бойынша іс-шара өткізілді.
Іс-шара барысында негізгі, арнайы және көмекші автокөлік құралдарын басқару кезінде жол қозғалысы қағидаларын сақтау талаптары түсіндірілді.
Кездесу барысында жол-көлік оқиғаларының алдын алу, белгіленген жылдамдық режимін сақтау, қауіпсіз арақашықтықты ұстану, жол жағдайына мұқият болу және көлік құралдарының техникалық жай-күйін тұрақты бақылауда ұстау мәселелеріне ерекше назар аударылды.
Сонымен қатар арнайы мақсаттағы автокөліктерді басқару кезінде жол қозғалысы талаптарын қатаң сақтау, қызметтік міндеттерді қауіпсіз орындау және өзге де жол қозғалысына қатысушылардың қауіпсіздігін қамтамасыз ету бағыттары түсіндірілді.
Іс-шара барысында жүргізуші-қызметкерлерге тұрақты түрде өткізілетін нұсқамалар мен тәжірибелік жаттығулардың кәсіби шеберлікті арттырудағы маңызы атап өтілді.
Мұндай жұмыстар жеке құрамның кәсіби даярлығын жетілдіруге, қызметтік міндеттерді сапалы орындауға, төтенше жағдайлар кезінде дұрыс шешім қабылдауға және жол-көлік оқиғаларының алдын алуға ықпал етеді.
Байқауда инспекторлар қатысып, өздерінің кәсіби даярлығының жоғары деңгейін, теориялық білімдері мен практикалық дағдыларын көрсетті.
Қатысушылардың білімі мен кәсіби шеберлігі нормативтік-құқықтық актілерді білуі, нысандарға тексеру жүргізу қабілеті, қызметтік құжаттарды сауатты рәсімдеуі, сондай-ақ практикалық қызметтегі кәсіби дағдыларын қолдануы сияқты бірнеше өлшем бойынша бағаланды.
Байқау кезеңдерінің қорытындысы бойынша І орынды Сауран ауданы Төтенше жағдайлар бөлімінің бас маманы Нұртас Қасым иеленді.
ІІ орын Төлеби ауданы Төтенше жағдайлар бөлімінің бас маманы Азимбек Атанбеков иеленді.
ІІІ орынды Түркістан қаласы Төтенше жағдайлар басқармасының аға инженері азаматтық қорғау аға лейтенанты Назарбек Садық иеленді.
Облыстық кезеңнің жеңімпазы Түркістан облысының намысын Қазақстан Республикасы Төтенше жағдайлар министрлігі Өртке қарсы қызмет комитетінде өтетін республикалық кезеңде қорғайды. Бұл кезеңде еліміздің барлық өңірлерінен келген жеңімпаздар «Үздік мемлекеттік инспектор» атағы үшін бақ сынайды.
Түркістан облысы ТЖД жеке құрамына психологиялық саулықты нығайту және салауатты өмір салтын насихаттау бағытында профилактикалық кездесу өткізілді.
Түркістан облысы Төтенше жағдайлар департаментінің жеке құрамының психологиялық саулығын нығайту және салауатты өмір салтын насихаттау мақсатында профилактикалық кездесу өткізілді.
Іс-шараға Түркістан облыстық психикалық денсаулық орталығының психиатр және нарколог дәрігерлері қатысып, суицидтің алдын алу, психикалық бұзылыстар мен ойынқұмарлықтың себептері мен белгілері, сондай-ақ олардың алдын алу жолдары туралы түсіндіру жұмыстарын жүргізді.
Кездесу барысында мамандар нашақорлық, алкоголизм және темекі шегудің адам денсаулығына тигізетін зиянына тоқталып, салауатты өмір салтын ұстанудың маңыздылығы жөнінде жан-жақты ақпарат берді.
Іс-шара соңында қатысушылар өздерін қызықтырған сұрақтарын қойып, мамандардан жауап алды. Кездесу жеке құрамның психологиялық тұрақтылығын арттыруға және денсаулықты сақтауға бағытталған пайдалы ақпараттармен толықтырылды.
28-29 мамыр аралығында «Өрт-2026» республикалық командалық-штабтық оқу-жаттығуы өткізілуде. Іс-шараның мақсаты – табиғи және дала өрттері кезінде азаматтық қорғау жүйесінің дайындығын тексеру және төтенше жағдайларға жедел әрекет ету деңгейін арттыру.
Оқу -жаттығу аясында Төтенше жағдайлар департаментінде жедел штаб құрылып ,барлық азаматтық қорғау қызметтеті жоғары дайындық режиміне көшірілді.
Жаттығу барысында шартты өрт ошақтарын сөндіру, халықты эвакуациялау, зардап шеккендерге алғашқы медициналық көмек көрсету және қызметтердің өзара іс-қимылы пысықталуда.
Түркістан облысында Қазақстан Республикасы Төтенше жағдайлар министрінің кубогына қоян-қолтық ұрыстан III турнирі аяқталды. Екі күн бойы еліміздің барлық өңірлерінен келген төтенше жағдайлар ведомствосының үздік спортшылары үздіктер атағы үшін бақ сынап, жоғары дайындық деңгейін, төзімділік пен кәсіби шеберліктерін көрсетті.
Турнир қызметкерлердің спорттық рухын нығайтуға, тәжірибе алмасуға және жауынгерлік даярлықты жетілдіруге арналған маңызды алаңға айналды. Тартысты әрі әсерлі жекпе-жектер барысында қатысушылар ерік-жігерін, сабырлылығы мен жеңіске деген ұмтылысын танытты.
Командалық есеп нәтижесінде жүлделі орындар осылай бөлінді: І орын Түркістан облысы, ІІ орын Қарағанды облысы, ІІІ орын Алматы қаласы.
Турнирдің басты мақсаты қызметкерлер арасында салауатты өмір салтын насихаттау, дене және жауынгерлік даярлық деңгейін арттыру, сондай-ақ бөлімшелер арасындағы спорттық ынтымақтастықты нығайту.
Жарыс жеңімпаздары мен жүлдегерлері кубоктармен, медальдармен және дипломдармен марапатталды.