Қазақстан Республикасының Төтенше жағдайлар министрі генерал-лейтенант Шыңғыс Әрінов Түркістан облысына жұмыс сапары барысында Созақ ауданының Бақырлы ауылында жаңа ерікті өрт сөндіру пунктін (ЕӨҚҚ) салтанатты түрде ашты. Бұл нысан ауылдық жерлердегі өрт қауіпсіздігін қамтамасыз ету жүйесінің бір бөлігіне айналып, жалпы саны шамамен 6,8 мың адамды құрайтын екі елді мекенде төтенше жағдайларға жедел ден қоюға мүмкіндік береді.
Ашылу рәсімінде сөйлеген сөзінде министр Шыңғыс Әрінов ерікті өрт сөндіру құралымдарын дамыту мен олардың шалғай ауылдардағы санын арттыру министрліктің басым бағыттарының бірі екенін атап өтті: «Мемлекет пен бизнес арасындағы әріптестік қауіпсіздік инфрақұрылымын құруда және халықты төтенше жағдайлардан қорғауда маңызды рөл атқарады. Біз еріктілерге толыққанды жұмыс істеуге мүмкіндік жасау үшін техника, киім-кешек, байланыс құралдары мен қажетті жабдықтарды береміз».
ТЖМ басшысы кәсіпкерлер қауымдастығының қатысуы «Ауыл құтқарушылары» желісін дамыту мен өңірлердегі қауіпсіздік деңгейін арттырудың маңызды факторларының бірі екенін атап өтті.
Түркістан облысы Созақ ауданының Жуантөбе ауылында Төтенше жағдайлар министрлігінің «Ауыл құтқарушылары» бағдарламасы аясында жаңа ерікті өрт сөндіру пункті ашылды. Салтанатты ашылу рәсімін Төтенше жағдайлар министрі генерал-лейтенант Шыңғыс Әрінов өткізді. Жоба өңірдің өртке қарсы инфрақұрылымын дамытуға елеулі үлес қосқан кәсіпкер, «Идеал Тех Строй» ЖШС директоры Рустам Русланұлының қолдауымен жүзеге асырылды.
Министр мемлекет пен бизнес бірлесе отырып, әрбір азаматтың тұрғылықты жеріне қарамастан өз қауіпсіздігін сезініп, заманауи өрт сөндіру құралдарына қол жеткізуі үшін жұмыс істеп жатқанын атап өтті.
Жаңа пункт жедел ден қоюға қажет барлық құрал-жабдықтармен қамтамасыз етілген: техникаға арналған бокс, кезекші қызметкерлерге арналған үй-жай, ас үй, душ және демалыс бөлмесі бар. Бөлімше ведомстводан автоцистерна, өрт сөндірушінің жауынгерлік киімін, радиостанциялар мен қызметтік автокөлік алды. Салтанатты рәсім соңында қатысушылар жасыл желектер отырғызды. Ерікті өрт сөндіру бекетінің ашылуы ауылдың 4,5 мыңнан астам тұрғыны үшін қауіпсіздік деңгейін арттырудағы маңызды қадам болды.
Қазақстан Республикасының Төтенше жағдайлар министрі генерал-лейтенант Шыңғыс Әрінов Түркістан облысы Ордабасы ауданының Бөген ауылында жаңа өрт сөндіру пунктін ашты. Бұл нысан ерікті өрт сөндіру құралымдар желісін дамытуға бағытталған «Ауыл құтқарушылары» бағдарламасы аясында құрылды. Ашылу рәсіміне облыс әкімі Нұралхан Көшеров, жергілікті билік өкілдері, ауыл тұрғындары мен меценаттар қатысты.
Жаңа пункт ТЖМ берген өрт сөндіру техникасымен, байланыс құралдарымен және тәулік бойы кезекшілік атқаруға арналған жабдықтармен қамтамасыз етілген. Бөген, Кемер және Жеңіс ауылдарында тұратын шамамен сегіз мың тұрғынға қызмет көрсетуді жергілікті бюджет есебінен еңбекақы алатын еріктілер құрамындағы штат қамтамасыз етеді. Нысанды жабдықтауға аудандық мәслихат депутаты Әбілда Әлібеков
айтарлықтай қолдау көрсетті.
«Мұндай құралымдар бүгінде шалғай елді мекендердің өзінде де құрылуда. Түркістан облысында 800-ден астам ауыл бар, біз олардың әрқайсысында өз өрт сөндіру пункті ашылуына ықпал ететін боламыз», — деп төтенше жағдайлар министрі Шыңғыс Әрінов атап өтті.
Оның айтуынша Төтенше жағдайлар министрлігі ерікті бөлімшелерді техникамен, байланыс құралдарымен және арнайы киіммен қамтамасыз ету жұмыстарын, сондай-ақ олардың материалдық-техникалық базасын жергілікті атқарушы органдармен бірлесе отырып нығайту ісін жалғастыруда. Бұл өңірлердің төтенше жағдайларға дайындық деңгейін және ауыл халқының қауіпсіздігін арттырады.
Түркістан облысының Құтарыс ауылында «Ауыл құтқарушылары» бағдарламасы аясында салынған жаңа ерікті өрт сөндіру пункті ашылды. Салтанатты рәсімге төтенше жағдайлар министрі генерал-лейтенант Шыңғыс Әрінов, облыс әкімі Нұралхан Көшеров және жергілікті бизнес өкілдері қатысты.
Жоба кәсіпкерлердің қолдауымен жүзеге асырылды, олар нысанды салуға және жабдықтауға өз қаражаттарын салды. Бастаманы іске асыруға белсене қатысқаны үшін инвестор Роман Ниязалиев ТЖМ-нің ведомстволық наградасымен наградталды.
«Біз салып жатқан барлық жобалардың ішінде бұл ең өмірлік маңызы бар жоба. «Ауыл құтқарушылары» бағдарламасы туралы білген соң, біз оған қатысуды ұйғардық және бұл бастамаға басқа да кәсіпкерлер қосылады деп үміттенеміз», — деді Роман Ниязалиев.
«Кәсіпкерлердің сыртта қалмай, бізбен бірге ерікті өрт сөндіру бекеттері желісін дамытып жатқаны қуантады. Кәсіпкерлердің өз ауылдарының қауіпсіздігіне инвестиция салуы — бұл әлеуметтік жауапкершіліктің ең жақсы мысалы», — деп төтенше жағдайлар министрі атап өтті.
Еріктілер ТЖ министрлігінен өрт сөндіру цистернасын, арнайы киім, жедел көлік және байланыс құралдарын алды. Ғимаратта кезекшілер бөлмесі, асхана, спорт залы, душ және демалыс бөлмесі қарастырылған. Жаңа бекет Құтарыс округіндегі алты ауылға қызмет көрсетеді, онда шамамен 8 мың адам тұрады.
Түркістан облысы Сайрам ауданының Қарамұрт ауылында «Ауыл құтқарушылары» бағдарламасы аясында жаңа ерікті өрт сөндіру пунктінің ашылуы өтті. Іс-шараға Қазақстан Республикасының Төтенше жағдайлар министрі генерал-лейтенант Шыңғыс Әрінов және Түркістан облысының әкімі Нұралхан Көшеров қатысты.
Жобаны іске асыруға жергілікті бизнес өкілдері белсенді қатысып, пункттің құрылысы мен тұрмыстық заттармен жабдықталуына қолдау көрсетті.
«Бизнес қауымдастығы бастама танытып, ерікті өрт сөндіру бекеттерін дамытуға нақты үлес қосып жатқаны маңызды. Бұл ауыл аймақтардың өрт қауіпсіздігі мен тұрғындардың қорғалуын нығайтуға септігін тигізеді», — деп ТЖМ басшысы атап өтті.
Жаңа пункт қызмет атқаруға қажетті барлық жабдықтармен қамтамасыз етілген: өрт техникасына арналған бокс, кезекшілерге арналған үй-жай, байланыс құралдарымен жабдықталған диспетчер бөлмесі, ас үй, асхана және «Batyr Team» спорт залы бар. Еріктілер ТЖМ бөлімшесі берген өрт сөндіру автоцистернасымен, жауынгерлік киіммен және радиостанциялармен қамтамасыз етілді.
«Ауыл құтқарушылары» ерікті өртке қарсы пункті Қарамұрт, Низамабат және Аққала ауылдарына қызмет көрсететін болады. Бұл елді мекендерде 19 мыңнан астам адам тұрады. Ол ауыл тұрғындарының қауіпсіздігін арттырып, төтенше жағдайларға жедел ден қою деңгейін көтеруге мүмкіндік береді.
Отырар ауданынан өтетін Сырдария өзені бойындағы орналасқан қорғаныс дамбаларының жағдайына визуалды шолу жұмыстары жүргізілді.
Сырдария өзені бойында орналасқан 22 елді мекеннің қауіпсіздігін қамтамасыз ету мақсатында қорғаныс дамбаларының жай-күйі зерделенді. Зерделеу нәтижелері бойынша тиісті ұсыныстар әзірленіп, жергілікті атқарушы органдарға тапсырмалар берілді. Аталған бағыттағы жұмыстар жалғасын табуда.
«Өрт қауіпсіздігі» айлығы аясында Түркістан қаласында тұрғын үйлерді аралау бойынша профилактикалық жұмыстар жүргізілді. Іс-шара барысында әлеуметтік осал топтағы отбасылардың үйлеріне 20 дана газ дабылқаққыш құрылғысы орнатылды.
Жалпы 252 тұрғын үй тексеріліп, 1080 тұрғын қамтылды. Тұрғындарға газ жабдықтарын қауіпсіз пайдалану ережелері жөнінде жадынамалар таратылды.
Бұл бағыттағы жұмыс жылыту маусымы аяқталғанға дейін жалғасын табатын болады.
Өрт қауіпсіздігі – баршамызға ортақ жауапкершілік
Түркістан облысы Төтенше жағдайлар департаменті жылыту маусымының қарсаңында «Үлгілі үй» акциясын өткізді. Акцияның мақсаты – көпқабатты тұрғын үйлерде өрт қауіпсіздігі талаптарының сақталуын тексеру және тұрғындар арасында түсіндіру жұмыстарын жүргізу.
Шара барысында департамент мамандары көп қабатты тұрғын үйлерді аралап, жылыту және электр жүйелерінің жағдайын, эвакуациялық шығу жолдарының ашықтығын, өрт дабылқаққыштың жарамдылығын қарап, нәтижесінде өрт қауіпсіздігі талаптарын толық сақтаған үй «Үлгілі үй» атағына лайық деп танылды. Мұндай бастамалар тұрғындардың қауіпсіздік мәдениетін арттыруға және өзге үйлерге үлгі болуға бағытталған.
Еліміздің өңірлерінде елді мекендерді ықтимал су тасқынынан қорғау және су басу тәуекелдерін азайту бойынша белсенді жұмыстар жалғасуда. Іс-шаралар алдағы тасқын кезеңінде халықтың қауіпсіздігін қамтамасыз ету мен инфрақұрылым объектілерінің сақталуын қамтамасыз етуге бағытталған.
Шығыс Қазақстан облысында Глубокое ауданының Тарханка ауылындағы Үлбі өзенінде су тасқынына қарсы жұмыстар жүргізілуде. Су тасқыны кезінде өзен деңгейінің көтерілуінен ауылдың бір көшесін қорғау мақсатында бұған дейін салынған бөген жаңғыртылуда. Тасқын судың өтуіне мониторинг жүргізу өзеннің жоғары ағысында судың арналарға еніп, орнатылған бөгенді айналып өтіп, қоршалған өзен арнасын толтырып, жағалауды шайып кету қаупін тудыратынын көрсетті. ТЖ жөніндегі комиссия өзеннің ағысы бойымен жоғары орналасқан арналарды жабуды ұсынды, бұл тасқын судың өтуінің оң динамикасын қамтамасыз етеді.
Қарағанды облысы ТЖД бастығының орынбасары Д. Дәлешов жергілікті атқарушы органдардың өкілдерімен бірлесіп Қарқаралы ауданы аумағындағы су басу қаупі жоғары учаскелерді аралады. Сапардың негізгі мақсаты облыстық инженерлік жұмыстар жоспары аясында атқарылған іс-шаралардың орындалу барысын бағалау болды. Аралау кезінде Ынталы, Жарлы, Тегісшілдік, Көктас және Қаракөл ауылдарының ең проблемалық аумақтары қаралды. Қорғаныш бөгендері мен су бұру арналарының жай-күйіне ерекше назар аударылды. Тексеру қорытындысы бойынша жергілікті атқарушы органдарға анықталған кемшіліктерді жою және су тасқынына қарсы іс-шараларды күшейту жөнінде нақты тапсырмалар берілді. Бүгінгі таңда облыс бойынша инженерлік жұмыстар жоспарының 64%-ы орындалды. 138 шараның 87-сі аяқталып, қалғаны бойынша жұмыстар жалғасуда.
Қостанай облысында 2026 жылғы су тасқыны кезеңіне дайындық жұмыстары жалғасуда. Өңірде халықты қорғау және су басу қаупін азайту мақсатында 81 іс-шарадан тұратын инженерлік жұмыстар жоспары бекітілді. Бүгінгі күні 45 іс-шара орындалды, тағы 36-сында белсенді жүзеге асырылуда. Инженерлік жұмыстар Қостанай, Амангелді, Меңдіқара, Қарасу және Науырзым аудандарында жүргізілуде. Жоспарды іске асыру барысында жалпы ұзындығы шамамен 6,7 км құрайтын қорғаныш бөгендері нығайтылды, облыстың автомобиль жолдарындағы 7 су өткізгіш құбыр жөнделді, сондай-ақ еріген және тасқын судың еркін өтуін қамтамасыз ету үшін 400-ден астам су өткізу құрылыстары тазартылып, ашылды. Аталған іс-шаралардың нәтижесінде облыстың 20 елді мекені су тасқынынан қорғалды. Инженерлік дайындық жұмыстары жалғасуда.
Түркістан облысында су тасқынының алдын алу мақсатында дайындық шаралары жүргізілуде. Бәйдібек және Мақтаарал аудандарында қорғаныш бөгендерін нығайту, көпірге күрделі жөндеу жүргізу және суару жүйелерінің жарамсыз учаскелерін ауыстыру жұмыстары атқарылуда. 2025–2026 жылдарға арналған су тасқынының алдын алу жөніндегі инженерлік жоспар аясында Шаян өзеніндегі жағалау қорғаныш бөгендерін нығайту жұмыстары аяқталу сатысында. Облыстық маңызы бар автомобиль жолындағы көпірге күрделі жөндеу жүргізілуде, елді мекендерде суару жүйелерінің істен шыққан учаскелерін жөндеу және ауыстыру жұмыстары орындалуда. Жүргізіліп жатқан бұл іс-шаралар алдағы уақытта таулы аймақтардан келетін еріген және жаңбыр суын елді мекендер арқылы қауіпсіз өткізуге мүмкіндік береді.
Ауыл кәсіпкерлерінің демеушілігімен өрт сөндіру бөлімі жаңарып жатыр
Жергілікті ауыл кәсіпкерлерінің демеушілігімен қолға алынған құрылыс жұмыстары ағымдағы жылдың қазан айында басталды. Жаңа ғимарат өрт сөндірушілердің тиімді қызмет атқаруына және кәсіби біліктілігін арттыруына мүмкіндік бермек.
Жалпы өлшемі 20х10 м құрайтын 1 қабатты ғимаратта қызметкерлерге арналған 7 бөлме қаралады: қызметтік бөлмелер, оқу сыныбы, акт залы.
ТЖД Түркістан облысы