СҚО ТЖД қызметкерлері мектеп және балабақша тәрбиеленушілері үшін ашық есік күндерін тұрақты түрде өткізіп келеді

Солтүстік Қазақстан облысы Төтенше жағдайлар департаменті балаларға қауіпсіздік негіздерін үйрету, өрт сөндіруші-құтқарушылардың қызметімен таныстыру және азаматтық қорғау саласына қызығушылықты арттыру мақсатында мектеп оқушылары мен балабақша тәрбиеленушілері үшін ашық есік күндерін тұрақты түрде өткізіп келеді.

Осындай іс-шаралар барысында балалар ДЧС ғимаратын аралап, арнайы техникалармен, құтқару құрал-жабдықтарымен, өрт сөндірушілердің және құтқарушылардың күнделікті қызметімен танысады. Балаларға төтенше жағдайлар кезінде өзін қалай ұстау керектігі түсіндіріліп, қауіпсіздік ережелері интерактивті түрде үйретіледі.

Шаралар оқушылар мен тәрбиешілердің үлкен қызығушылығын тудырып отыр. Кішкентай қонақтар шынайы өрт сөндіруші көліктерін көріп, арнайы киімдерді киіп көруге мүмкіндік алады. Осындай кездесулер балалардың қауіпсіздік мәдениетін қалыптастыруда маңызды рөл атқарады.
СҚО ТЖД қызметкерлері осындай ашық есік күндерін алдағы уақытта да жалғастырып, балалармен жұмысты жүйелі түрде жүргізуді жоспарлап отыр. Бұл – тек профилактика ғана емес, сонымен қатар болашақ ұрпақтың қауіпсіздікке жауапкершілікпен қарауына бағытталған маңызды қадам.