СҚО ТЖД мен Қызыл Ай қоғамы: халық игілігі жолындағы сенімді әріптестік

СҚО Төтенше жағдайлар департаментінің өкілдері Қызыл Ай қоғамы облыстық филиалының есеп беру жиналысына қатысты.
Филиал директоры Сауле Оразова өз сөзінде ТЖ департаментімен төтенше жағдайлар кезінде халықты қорғау бағытында атқарылған нәтижелі ынтымақтастықты, сондай-ақ құтқарушылардың қан донорлығы қозғалысына қосқан үлесін атап өтті.

СҚО ТЖД басшысының орынбасары, подполковник Мурат Қанғожинов филиал ұжымына адамдарға көрсеткен жанқиярлық көмектері үшін алғыс білдіріп, Алғыс хат табыс етті. Ол волонтерлік қозғалыстың төтенше жағдайлардың алдын алу мен салдарын жою ісіндегі маңызды рөлін ерекше атап өтті.