«Бақытты бол және өзіңе қамқор бол, Иманәлі!»- Петропавлдық құтқарушылар 4 жасар балаға көмек көрсетті
СҚО Төтенше жағдайлар департаментінің жедел кезекшілерін 29 наурызда сағат 17: 35-те келген қоңырау таң қалдырды. Орындық отырғышының тесіктеріне түскен қолдың саусақтарын босату керек деп - уайымдаған ата-ана балаға шұғыл көмек көрсетуді сұрады.
Петропавл қаласы Володарский көшесі бойындағы 9 қабатты пәтерлердің біріне келгеннен кейін құтқарушылар ерекше жағдайға тап болды-2019 жылы туған балада сол қолының екі саусағы қатты пластиктен жасалған орындықтың тесіктеріне кептеліп қалған. Ата-ана «қақпаннан» саусақтарын өздігінен алуға тырысқан бірақ нәтиже алмаған. Саусақ айтарлықтай ісініп кеткен, бала ауырсынып, қорқыныштан қатты жылай түскен. Үмітсіз ата-ана «112» нөміріне қоңырау шалып, көмекке құтқарушылар келіп жеткен…
«Жұмыс 15 минутты алды және бұл бізге оңай көрінбеді... Өлшемі сәйкес келген саусақтар тесіктерге тұрып қалған. Сондықтан оларды арнайы құралдарсыз шығару нәтиже бермеген. Ата-ана отырғышты біз келгенге дейін орындықтан өздері бөліп алған. Содан кейін біздің кезегіміз келді... Әрқайсымыздың өз міндетіміз болды-біреуміз баланы тынышқа шақырып, екіншіміз оның қолын ұстадық, ал үшіншіміз темір арамен және сым кескіштермен жұмыс жасады. Пластмасса қатты болды, сондықтан көпке созылды– біздің, ата-ананың, әжесінің, үлкен ағамыздың да қуанышына орай бәрі жақсы аяқталды. Қатты уайымға салынған олар бізге шын жүректен алғыс айтты», - деп түсіндірді құтқару бөлімшесінің басшысы Саян Ғалымжанов.
«Операция» аяқталғаннан кейін кішкентай Иманәлі оған қажетті көмек көрсеткен дәрігерлердің қамқор қолына берілді. Кейін баланың бетіне күлімсіреу пайда болды. Бұл күлімсіреуден үй бөлмесі жарқырай түскендей болды... Үйдегілер де күлімдеп, құтқарушылар Әділ Мұстафин, Артем Савин, Ислам Әлихан және Саят Есентеміровтың жүздері де көтерілгендей болды... Олар бірнеше рет балаларға көмек көрсеткен – балалар жабылып қалған пәтерлерді үнемі ашып, сақиналар шешіп алған, қызығушылық танытып кірген балаларды басқа да тұзақтардан шығарған. Барлығы да болды... Құтқарушылар үшін ең жақсы сыйлық қорқыныш, азап пен үмітсіздіктің бет-әлпетін өзгерткен әрқашан баланың жүзіндегі күлімсіреу…
Бақытты бол және өзіңе қамқор бол, Иманәлі!
СҚО ТЖ департаментінің
Қоғаммен байланыс тобы