Ауыл шаруашылығы жұмыстары кезеңінде өрт қауіпсіздігі ережелерін сақтауға – бірінші кезектегі назар!

Ауыл шаруашылығы жұмыстары кезеңінде өрт қауіпсіздігі ережелерін сақтауға – бірінші кезектегі назар!                                                                                                                                                                                                                                                                                                                                                 Аққайың ауданының Төтенше жағдайлар бөлімі 2026 жылғы көктемгі дала жұмыстарын жүргізуге дайындық тақырыбында өткен семинар-кеңеске қатысты. Іс-шара 10 сәуір күні Смирново ауылының аудандық Мәдениет үйінде өтті.

Іс-шара барысында Аққайың ауданы Төтенше жағдайлар бөлімінің бастығы ауыл шаруашылығы жұмыстарын жүргізу кезеңінде өрт қауіпсіздігін қамтамасыз ету мәселелері бойынша ақпарат берді.

Семинарға қатысушыларға көктемгі кезеңде өрттердің туындау себептері және олардың алдын алу шаралары түсіндірілді. Сондай-ақ өрт қауіпсіздігі талаптарын бұзғаны үшін жауапкершілікке ерекше назар аударылды.

Сөз соңында қатысушыларға көктемгі дала жұмыстары кезеңінде өрт қауіпсіздігі ережелерін қатаң сақтау және төтенше жағдайлардың алдын алу бойынша шараларды уақтылы қабылдау ұсынылды.