СҚО: өрт қауіпсіздігіне – басым көңіл бөлінеді!

СҚО әкімдігінде облыс әкімінің орынбасары Нұрлан Кеңесовтің төрағалығымен өңірдегі өрт қауіпсіздігі мәселелеріне арналған жұмыс кеңесі өтті.
Кеңеске СҚО аудандарының әкімдері мен СҚО Төтенше жағдайлар департаменті аудандық бөлімдерінің бастықтары қатысты.
2026 жылға арналған Жол картасын іске асыру шеңберінде қолданыстағы өрт сөндіру пункттері қызметінің қорытындылары, олардың өткен жылы облыстың елді мекендеріндегі өрттердің алдын алу мен жоюдағы тиімділігі қарастырылды. Ауылдық жерлерде құтқарушылардың оқиға орнына жету уақытын қысқартуға бағытталған жаңа өрт сөндіру бекеттерін құру және жұмыс істеп тұрғандарын жаңғырту жоспарлары талқыланды.
Кездесу барысында материалдық-техникалық базаның қазіргі жай-күйі туралы есептер тыңдалып, облыс тұрғындарының қауіпсіздігін қамтамасыз ету үшін Жол картасының кезеңдерін уақтылы орындау бойынша тапсырмалар берілді.