ТЖД мен еріктілер-қауіпсіздік үшін бірге

2021 жылдың 20 қазанында "Мирас" Университеті жанындағы "Добро Мирас" клубында Шымкент қаласы ТЖД қызметкерлерінің қатысуымен семинар-тренинг өтті.

"Мирас" университетінің студент – еріктілерінің алдында ТЖ жою бөлімінің бас маманы азаматтық қорғау подполковнигі Гүлназ Расулова сөз сөйледі. Ол Департамент қызметінің бағытымен таныстырып, қала тұрғындары арасында қауіпсіздікті қамтамасыз етудегі еріктілердің рөлін, сондай-ақ қоғамдық ұйымдар мен ТЖД арасындағы тығыз өзара іс-қимылдың маңыздылығын атап өтті. Әр түрлі төтенше жағдайлардың мысалдарында ТЖ қызметкерлері жедел-құтқару жасағы мен Апаттар медицинасы орталығы филиалының құтқарушылары қызметінің бағыттарына түсініктеме берді, залдан келіп түскен сұрақтарға кәсіби жауаптар берілді.

Тәжірибелік бөлім Шымкент қаласы ТЖД "Жедел-құтқару жасағының" 1-ші сыныбының бас құтқарушысы Мұрат Төлеевтің сөз сөйлеуін қамтып, сүңгуір костюмінің мақсаты, оның элементтері және іздестіру-құтқару операцияларын жүргізу кезінде су астында жұмыс істеу ерекшеліктері туралы айтып берді. Апаттар медицинасы орталығы филиалының дәрігері Ғалымжан Қамбарұлы Жаппар суға батқан кезде зардап шеккендерге алғашқы медициналық көмек көрсету элементтерін, түрлі жарақаттар кезінде дәрігерге дейінгі алғашқы көмек көрсету тәсілдерін пысықтады.

ТЖ жою бөлімі