Қазақстан халқы бірлігі күні

Қазақстан халқы үшін ең ірі мерекелердің бірі Қазақстан халқының бірлігі күнін мерекелеу қарсаңында азаматтық қорғау органдарының қызметкерлері арасында түрлі ұлт пен дін өкілдерінің бір-біріне деген сый-құрметін арттырып, татулықты, бірлікті, ортақ құндылықтарды  насихаттау мақсатында іс-шара ұйымдастырылды.

1995 жылдың 18 қазанында Қазақстанның Тұңғыш Президенті Нұрсұлтан Әбішұлы Назарбаевтің жарлығы бойынша 1 мамыр - Қазақстан халқының бірлігі күні деп жарияланды.  Аталған мереке 1996 жылдың басынан бастап, Қазақстан аумағында тұрып жатқан 130-дан астам ұлт пен ұлыс өкілдері киелі қара шаңырақта тату-тәтті, береке мен бірлікте, бейбітшілік пен ынтымақта өмір сүріп жатқандығын елімізде атап өтуде.

Аталған іс-шараның қонағы болып, Ә.Қуатбеков атындағы халықтар достығы университетінің тарих кафедрасы меңгерушісі тарих ғылымдарының кондидаты доцент Нарыкбаев Шымырбай Жақсыбайұлы келіп, «1 мамыр – Қазақстан халықтарының бірлігі күні», «ҚР Тәуелсіздігіне 30-жыл» және «Қазақстан халықтары Ассамблеясы» тақырыптарын кеңінен насихаттап, арнайы әзірленген бейне роилтер көрсетті.

1995 жылдың наурызында дүние жүзіне үлгі болып отырған, ұлтаралық татулық пен тұрақтылықтың феномені – Қазақстан халықтары Ассамблеясы құрылды. Бұл ешбір елде болмаған ерекше, саяси маңызы зор құрылым. Ассамблея 365 мүшесі, 471-ден астам республикалық, өңірлік, облыстық, қалалық ұлттық-мәдени бірлестіктері 500-ге жуық кіші ассамблея мүшелерінің бастарын біріктіріп, біздің ортақ үйіміз – Қазақстанда шынайы достықты қамтамасыз етіп келеді.