Газ - көзге көрінбейтін қауіп: Шымкентте алдын алу шаралары күшейтілді

Шымкент қаласында Еңбекші ауданы әкімі аппараты, аудандық прокуратура, төтенше жағдайлар басқармасы және газ техникалық қызметі қызметкерлерінің бірлесуімен газдан уланудың алдын алу мақсатында түсіндірме жұмыстары жүргізілді.

Іс-шара аясында 78 тұрғын үй қамтылып, 225 адамға ақпараттық брошюра таратылды, сондай-ақ 12 қоғамдық тамақтану орнында газ-баллон жабдықтарын қауіпсіз пайдалану бойынша түсіндіру жұмыстары өтті.

Тұрғындар мен нысан иелеріне газдан уланудың алдын алу үшін келесі қауіпсіздік ережелері еске салынды:

• Газ жабдықтарының техникалық жарамдылығын тұрақты тексеру және ақауларды уақытында жою;
• Үй-жайларды және нысандарды тұрақты түрде желдету;
• Газ құралдарын тек нұсқаулыққа сай пайдалану;
• Қолданылмайтын кезде газ жабдықтарын өшіру;
• Газ иісі сезілсе, кранды жабу, бөлмені желдету және жедел қызметтерге хабарлау;
• Газдан улану белгілерін білу және төтенше жағдайда дұрыс әрекет ету.

Бұл іс-шара тұрғындардың өмірі мен денсаулығын қорғауға, сондай-ақ қоғамдық тамақтану орындарында қауіпсіздікті қамтамасыз етуге бағытталған.