Шымкентте өрттерді және басқа да ТЖ тез анықтау үшін автономды дрондар қолданыла бастады

«Дрондардың Бірыңғай инфрақұрылымы» пилоттық жобасы іске қосылды, жүйе өрт қауіпті объектілерге (оның ішінде орманды дала объектілеріне), мектептер, жолдар құрылысына мониторинг жүргізуге, жылу желілерінің жай-күйін бақылауға, өртке қарсы қауіпсіздік және жер қойнауын пайдалану саласындағы бұзушылықтарды анықтауға мүмкіндік береді.

Бұл пилоттық жобаны ТЖ Департаменті әкімдікпен бірлесіп пысықтады және өзінің практикалық құндылығын көрсетті. Дрондар бірнеше ТЖ-ға, соның ішінде "BUY PARK" ССО-дағы резонанстық өрт кезінде қолданылды, онда олардың көмегімен ТЖД мамандары жағдайды жедел бағалап, қызметтердің әрекеттерін басқара алды.

Қалада бес автономды станция орнатылған, олардың әрқайсысы 5 километрге дейінгі қашықтықтағы ҰҰА ұшуын қамтамасыз етеді, қаланы қамту аумағы шамамен 60% құрайды.

Қазіргі заманғы технологияларды нақты уақыт режимінде пайдалану ТЖ жағдайларына ден қою тиімділігін айтарлықтай арттырады.