Өнеркәсіптік және газ қауіпсіздігі саласындағы ұйымдарды аттестаттау жөніндегі жұмыс отырысы

Өнеркәсіптік қауіпсіздік басқармасының қызметкерлері өнеркәсіптік қауіпсіздік саласында жұмыс жүргізу құқығына аттестаттауға жататын заңды тұлғалармен, сондай-ақ газ және газбен жабдықтау саласындағы кәсіпкерлік субъектілерінің өкілдерімен жұмыс отырысын өткізді.

Кездесу барысында Қазақстан Республикасы Инвестициялар және дамыту министрінің міндетін атқарушының 2014 жылғы 26 желтоқсандағы №299 бұйрығына енгізілген өзгерістерге байланысты заңнама талаптары түсіндірілді. Сонымен қатар газ тарату жүйелері мен сұйылтылған мұнай газы жүйелерінің нысандарын техникалық күтіп-ұстауға арналған аттестаттың жаңа қосымша кіші түрінің енгізілгені туралы ақпарат берілді.