Мектеп жасына дейінгі балаларға арналған қызықты өрт қауіпсіздігі сабағы өткізілді

Павлодар облысы ТЖД қызметкерлері ұйымдастырған танымдық іс-шараға Павлодар қаласының №104 балабақшасының тәрбиеленушілері қатысты. Кездесудің тақырыбы өрт қауіпсіздігі болып табылды және балалар ойын және қолжетімді түрде аталмыш тақырыппен танысты. Қызметкерлер жас қатысушыларға қауіпсіз мінез — құлық ережелері туралы айтып, сіріңке  ойыншық еместігін түсіндірді. Балалар шараға белсенді қатысты, сұрақтарға қуана жауап берді, тақырыптық байқауларда өздерінің білімдері мен ептіліктерін көрсетті.

Балалар да өрт сөндірушілермен кездесуге өте жауапкершілікпен қарады. Балалар мен балабақша тәрбиешілері нағыз сахналық қойылым дайындады. Балабақша акт залы орманға айналып, ал оның орталығында нағыз "Мысық үйі" орналасты. Классикалық ертегіні балалар заманауи түрде ойнады. Батырлар өрт қауіпсіздігі ережелерін сақтаудың маңыздылығын айқын көрсетті. Сюжет өрбіген сайын кейіпкерлер әртүрлі жағдайларға тап болды, онда ережелерді сақтау арқылы олар қиындықтан аман қалды. Сонымен қатар, балабақшада өрт сөндіру көлігі, өрт, алғашқы өрт сөндіру құралдары бейнеленген өрт қауіпсіздігі бұрышы бар, ал ғимарат қабырғаларында шұғыл қызметтердің нөмірі орналасқан.

Сабақтың бұл форматы балаларға маңызды ережелерді үйренуге ғана емес, сонымен қатар қауіпсіздік мәселелеріне жауапкершілік пен зейінді дамыта отырып, оларды іс жүзінде бекітуге көмектеседі. Өрт сөндірушілер балалардың жоғары белсенділігін атап өтіп, аталмыш кездесулер өскелең ұрпақтың бойында қауіпсіз мінез-құлық мәдениетін қалыптастыруға ықпал ететінін атап өтті.