Павлодар облысы ТЖД қызметкерлері «Ұлттық киім күнін» атап өтті.

Павлодар облысы ТЖД қызметкерлері келіп жеткен Наурыз мейрамы қарсаңындағы өзіндік қасиетке толы «Ұлттық киімдер күнін» жақсы қөңіл-күймен қарсы алып,  барынша ат салысты.

Азаматтық қорғау қызметкерлері дәстүрлі ұлттық нақыштағы өрнектер мен бөлшектерге толы кәмзолдар, қазақша стильдегі желеткелер мен шапандар киді. Қыздар бұрымдарын өріп, этно-стильдегі әшекейлер мен шашбауларды тақты.

Ұлттық тағамдар да дастарханға жайғасты. ТЖД қызметкерлері өздері дайындаған дәстүрлі бауырсақтар мен самса әкеліп үстелге орналастырды. Іс-шараны домбыраның дыбысымен сүйемелдеп, нағыз мереке сезімін сыйлады.

«Ұлттық киім күні» - бұл өз даралығын білдіруге, Қазақстанның бірлігі мен мәдени мұрасын қолдауға зор мүмкіндік беретіндігін тарихи күн.