Павлодар облысы ТЖД қызметкерлері "Ата-анаңның үйін тексер!" республикалық акцияға қосылды

             Павлодар облысы Төтенше жағдайлар департаментінің қызметкерлері «Ата-анаңның үйін тексер!» республикалық акциясына қосылды. Акцияның басты мақсаты – тұрғындарға жылыту маусымында өрт қауіпсіздігі ережелерін сақтаудың және қарт туыстарына қамқорлық көрсетудің маңыздылығын еске салу.

          Құтқарушылар пештер мен жылыту жүйелерінің жағдайын тексеріп, мұржалардың жарамдылығы мен тазалығына көз жеткізуге шақырады. Сондай-ақ электр құрылғыларын қараусыз қалдырмау, зақымдалған сымдар мен розеткаларды пайдаланбау және үйге улы газды анықтайтын датчик орнату қажет.

          Жылыту маусымына дайындық кезінде қарт ата-аналар мен көмекке мұқтаж жақындарының қауіпсіздігіне ерекше назар аударған жөн.