Балабақшадағы қауіпсіздік сабағы

     Екібастұз қаласының Төтенше жағдайлар басқармасының қызметкерлері балабақшада «Сіріңке – бір өмірдің құны» акциясы аясында профилактикалық жұмыс жүргізді.

    Іс-шара аясында ойын-сауық және спорттық жарыстар ұйымдастырылды. Олардың мақсаты – балаларға өрт қауіпсіздігінің қарапайым ережелерін ойын арқылы жеткізу. Сонымен қатар балаларға өрт сөндірушінің жауынгерлік киім жиынтығы көрсетіліп, өрт қауіпсіздігі тақырыбындағы сыйлықтар берілді.