ЖКО зардап шеккендерге шұғыл көмек көрсетілді

26 қараша күні сағат 22:55-те 102 диспетчерден Қызылорда–Павлодар автожолының 1248 шақырымында болған жол-көлік оқиғасы салдарынан зардап шеккендер туралы ақпарат түсті.

"Шідерті" трассалық медициналық-құтқару пункті шұғыл ден қою бригадасы жедел келіп, зардап шеккен үш адамды тексерді. Оларға алғашқы көмек көрсетілді. АМО бригадасымен зардап шеккен екі адам Екібастұз қалалық ауруханасына жатқызылды. Екібастұз қаласының Жедел медициналық жәрдем бригадасы бір жәбірленушіні қарап, қалған екі зардап шеккендер оқиға орнында қалып, құқық қорғау органдарының қызметкерлеріне берілді.