Павлодарлықтарға мұзда жүріп-тұру ережелері ескертілді

Павлодар облысы бойынша ЖКҚ-де Төтенше жағдайлар департаменті өкілдерінің қатысумен брифинг өтті.

Өңірде Ертіс өзеніндегі мұз қатуы желтоқсан айының ортасына қарай күтуде.

Өткен жылы облыс орталығы маңындағы өзенде мұз 15 қарашада қата бастаған болса, бүгінде Ертістің су беті әлі де ашық күйінде қалып отыр. Гидрометеорологиялық бақылауларға сәйкес, Павлодарда Ертіс өзенінің қатуы 29 қараша мен 7 желтоқсан аралығында, ал өңір бойынша орташа есеппен 13 желтоқсанға қарай күтілуде.

– Мұз, әсіресе қатудың басында және жылымық кезінде, әлі де қауіпті және адам өміріне қатер төндіруі мүмкін, – деп атап өтті @pavlodar.rsk алаңында Төтенше жағдайлар департаменті бастығының орынбасары Қайрат Шаймарденов. – Сондықтан біз профилактикалық жұмыстар жүргіземіз. Су нысандарының жай-күйіне ұшқышсыз ұшу аппараттарын қолдану арқылы мониторинг жүргізілуде.

          Павлодар облысында қысқы кезеңдегі су айдындарындағы басты қайғылы оқиғалардың себептері: жұқа мұзға шығу, балаларды қараусыз қалдыру, мұз айдындарынан тыс жерлерде су айдынын кесіп өтуге тырысу және көлікпен мұз үстінде сырғанау болып қала береді. Су айдындарындағы қолданыстағы қауіпсіздік ережелеріне сәйкес, бір адамның қауіпсіз шығуы үшін мұз қалыңдығы кемінде 10 сантиметр, ал бұқаралық іс-шаралар үшін 25 сантиметр болуы қажет. Бұл ретте, ойықтарға жақындауға, шұңқырларды тым жақын қазып шығаруға, мұзда от жағуға, қараңғы уақытта немесе нашар көрінетін кезде шығуға тыйым салынады. Балалардың мұз үстінде болуы тек ересектердің еріп жүруімен ғана рұқсат етіледі. Мұздың қалыңдығы 25 сантиметрден аз болған кезде мұз астынан балық аулау тек жеке құтқару құралдары болған жағдайда ғана рұқсат етіледі.