"Қыс-2025" облыстық оқу-жаттығуы: Павлодар облысы қысқы кезеңге дайындалуда

Павлодар қаласының Кенжекөл ауылында азаматтық қорғаудың мемлекеттік жүйесінің басқару органдары мен күштерінің қысқы кезеңде төтенше жағдайлардың алдын алуға және жоюға дайындығын арттыруға бағытталған "Қыс-2025" оқу-жаттығуы өтті.

Өңірде қыс мезгіліне 188 жылыту пункті дайындалды, оның ішінде 11-і жол-пайдалану басқармаларының базаларында. Олар 4300 ұйықтайтын орынмен қамтамасыз ете отырып, 20 мыңнан астам адамды қабылдай алады.

Ықтимал ТЖ - ны жою үшін күштер мен құралдар тобы құрылды. 2788 адам және қар тазалау, инженерлік, эвакуациялық және жоғары өтімді қоса алғанда, әртүрлі арнайы техниканың мыңнан астам бірлігі жұмылдырылды. Сондай-ақ, ТЖ департаментінің бөлімшелері экстремалды жағдайларда жұмыс істеуге дайын, өтімділігі жоғары техниканың 90 бірлігімен қамтамасыз етілген.

Оқу-жаттығу барысында азаматтық қорғау қызметтері мен құралымдарының жедел штабтарының, ТЖ алдын алу және жою жөніндегі комиссиялардың жұмысы ұйымдастырылды, қыс мезгілінде ТЖ қаупі төнген және туындаған кезде мақсаты бойынша міндеттерді орындау үшін АҚМҚ аумақтық және салалық кіші жүйелерінің жоғары дайындық тәртібіне өтуге дайындығы тексерілді. Болжамды және диспетчерлік қызметтердің жұмысы пысықталды, материалдық-техникалық, азық-түлік және медициналық резервтердің қорларын құру мониторингі жүзеге асырылды.

Сондай-ақ, құлақтандыру жүйелерінің дайындығы, шұғыл қызметтердің өзара іс-қимылы тексерілді, энергиямен жабдықтау объектілеріндегі қар көшкіні, ЖКО және апаттар кезінде іс-қимылдарды пысықтау жүзеге асырылды.

"Қыс-2025" облыстық оқу-жаттығу барысында төрт кіріспе пысықталды:

1. Республикалық маңызы бар жолда ЖКО салдарын жою;
2. Боранға байланысты автожолдарды жабу кезіндегі әрекеттер;
3. Зардап шеккендерге арналған жылыту пунктін орналастыру;
4. Энергетикалық объектідегі авариялық-қалпына келтіру жұмыстары.

"Қыс-2025" оқу - жаттығуы-халықтың қауіпсіздігін қамтамасыз ету үшін өңірдің барлық қызметтерінің іс-қимылдарының тиімділігін арттыру мен үйлестіруді пысықтаудағы маңызды кезең болып табылады.