Ержүрек құтқарушы және іске адал офицер: Павлодарда Олег Трещевті еңбек сіңірген демалысына шығарып салды

    Павлодар облысының Төтенше жағдайлар департаментінде отыз жылдан астам өмірін азаматтық қорғау жүйесіндегі қызметке арнаған офицер Олег Юрьевич Трещевті еңбек сіңірген демалысына шығарып салу рәсімі өтті.                                                                                                                                                         Олег Трещев-Қазақстан Республикасы Төтенше жағдайлар министрлігінің Қарағанды политехникалық институты мен азаматтық қорғау Академиясының түлегі. Алған білімі мен кәсіби дайындығы оған құтқару ротасының командирінен облыстық төтенше жағдайлар департаменті бастығының орынбасарына дейінгі жолдан өтуге мүмкіндік берді. Қызмет еткен жылдары Олег Трещев көптеген төтенше жағдайларды жоюға қатысып, таңдаған ісіне жоғары кәсібилік, табандылық пен адалдықты көрсетті. Әріптестер оны ең қиын жағдайларда нақты және үйлесімді әрекет ете алатын жауапты басшы ретінде атап өтеді. Олег Юрьевич азаматтық қорғаныс жүйесін дамытуға, жас мамандарды даярлауға және төтенше жағдайлардың салдарын жою жөніндегі бөлімшелердің жұмысын жетілдіруге елеулі үлес қосты. Оның тәжірибесі мен білімі ұжым үшін сенімді тірек болды.         Олег Юрьевич Трещев әріптестері арасында лайықты құрметке ие және өзінің үлгісімен офицерлік қызметтің жоғары стандартын қалыптастырғандардың бірі болып саналады.