Павлодар облысының 2026 жылғы су тасқыны кезеңіне дайындығы

Павлодар облысының Төтенше жағдайлар департаменті өңірді 2026 жылғы су тасқыны кезеңіне дайындау бойынша алдын ала кешенді жұмыс жүргізуде. Іс — шаралардың негізгі мақсаты-су басу қаупін азайту және халық пен инфрақұрылым объектілерінің қауіпсіздігін қамтамасыз ету.

Дайындық шеңберінде облыс әкімдігінің қаулысымен кешенді іс-шаралар Жоспары, сондай-ақ инженерлік жұмыстар Жоспары әзірленді және бекітілді. Төтенше жағдайлардың алдын алу басқармасының мамандары инженерлік жұмыстар Жоспарына сәйкес су тасқыны қаупі бар елді мекендерге баруды ұйымдастырды, оның 22 пунктінің 18-і іске асырылды. Жергілікті жерлерде су басу қаупін азайтуға бағытталған бірқатар инженерлік-техникалық іс-шаралар жүзеге асырылды: жалпы ұзындығы 30 км қорғаныс бөгеттері мен біліктер нығайтылды, 2 км бұру каналдары салынды және жөнделді, 29 су өткізу құбырлары орнатылды және қалпына келтірілді.

Орындалған жұмыстардың сапасын бақылау және кейіннен талдау үшін пилотсыз авиациялық техника (дрондар) пайдаланылды, бұл жердегі ағымдағы жағдайды тиімді тіркеуге және бақылауға мүмкіндік береді.

Аталған іс-шараларды іске асыру 2026 жылдың көктемгі кезеңінде облыс аумағын ықтимал су тасқыны қатерлерінен қорғау деңгейін едәуір арттырады және халықтың тыныс-тіршілігінің қауіпсіздігін қамтамасыз етуге ықпал етеді.