Маңғыстаулық құтқарушылар ұңғымадағы өртті сөндіргені үшін марапатталды

2025 жылғы 6 наурызда Атырау облысы Жылыой ауданындағы «Батыс Прорва» кен орнында орналасқан №437 ұңғымадан газдың сыртқа шығуы орын алды. Оқиға орнына қосымша көмек ретінде Маңғыстау облысы ТЖД-ның күштері мен құралдары жіберілді.

Төтенше жағдайлар министрлігінің қызметкерлері жедел әрі кәсіби әрекет етіп, өртті толықтай сөндірді.

Бүгін «Жылыоймұнайгаз» мұнай-газ өндіру басқармасы мен «Ембімұнайгаз» АҚ басшылығы Маңғыстаулық құтқарушыларға алғысын білдіріп, оларды алғыс хаттармен және бағалы сыйлықтармен марапаттады.

Басшылық құтқарушылардың жоғары кәсіби дайындығын және жанқиярлық еңбегін атап өтіп, олардың арқасында өрттің таралуы мен ықтимал зардаптардың алдын алу мүмкін болғанын жеткізді.

Маңғыстау облысы ТЖД