Су айдындарындағы қауіпсіздік бақылауда

Маңғыстау облысындағы су айдындарындағы қауіпсіздік жағдайын бақылау мақсатында Төтенше жағдайлардың алдын алу комитетінің төрағасы арнайы жұмыс сапарымен өңірге келіп, рейдтік-профилактикалық іс-шараға қатысты.

Тексеру барысында шағын көлемді кемелердің жүру тәртібі, жүргізушілердің қауіпсіздік талаптарын сақтауы, қажетті құжаттары мен құтқару құралдарының болуы назарға алынды. Сондай-ақ Комитет төрағасы тиімді әрекет ету және профилактикалық жұмыстарды күшейту бағытында тиісті тапсырмалар беріп, қажетті бағыт-бағдар айқындады.

Жұмыс тобы кеме жүргізушілерімен түсіндіру жұмыстарын жүргізіп, судағы қауіпсіздік ережелерін қатаң сақтау қажеттігін ескертті. Рейдтің негізгі мақсаты – құқық бұзушылықтардың алдын алып, азаматтардың қауіпсіздігін қамтамасыз ету.

Су айдындарындағы қауіпсіздікке бағытталған профилактикалық жұмыстар алдағы уақытта да ұдайы түрде жалғасын табады.

Маңғыстау облысы ТЖД