Есеп бірнеше минутқа созылғанда: өрт сөндірушілер алғашқы көмек көрсету дағдыларын дамытады

Маңғыстау облысы ТЖД МӨСБ-1 және МӨСБ-2 бөлімшелерінде зардап шеккендерге алғашқы көмек көрсету бойынша оқу-практикалық сабақ өтті. Оқытуға 42 өрт сөндіруші қатысты.

         Сабақ барысында жеке құрам өрттер мен төтенше жағдайларды жою кезінде өрт сөндірушілер тап болуы мүмкін шұғыл жағдайлар кезіндегі іс-қимыл тәртібін пысықтады. Іс жүзінде қан кетуді тоқтату әдістері, таңғыштар мен турникеттерді қолдану, жүрек-өкпе реанимациясын жүргізу, сондай-ақ жарақаттар, күйіктер және есін жоғалту кезінде көмек көрсету пысықталды.

         Сабақты Қазақстанның Қызыл Жарты Ай Маңғыстау филиалының алғашқы көмек нұсқаушысы Данабай Жансая өткізді. Жәбірленушінің жағдайын дұрыс бағалауға, алғашқы көмек көрсету алгоритмін сақтауға және жеке құрамның іс-әрекеттерін үйлестіруге ерекше назар аударылды.

         Мұндай сабақтарды өткізу өрт сөндірушілердің кәсіби дайындық деңгейін және олардың адамдардың өмірі мен денсаулығын сақтауға дайындығын арттыруға бағытталған.

Маңғыстау облысы ТЖД