Маңғыстауда төтенше жағдайлар кезінде дрондарды қолдану жөніндегі меморандум қабылданды

Маңғыстау облысының Төтенше жағдайлар департаменті мен өңірлік цифрлық технологиялар басқармасы төтенше жағдайлар кезінде ұшқышсыз ұшу аппараттарын пайдалану жөніндегі өзара іс-қимыл туралы меморандумға қол қойды.

Құжат төтенше жағдайлардың алдын алу, салдарын жою, жағдайды жедел бағалау, іздестіру-құтқару жұмыстарын уақытылы жүргізу және халық қауіпсіздігін қамтамасыз етуге бағытталған.

Дрондар қиын қолжетімді аумақтарды бақылауға, ахуалды нақты бағалауға және адам өмірін сақтауға мүмкіндік береді. Меморандум аясында екі ведомствоның үйлесімді іс-қимылы мен ақпарат алмасу тетіктері нақтыланды.

Маңғыстау облысы ТЖД