Маңғыстау облысында «Қыс-2025» облыстық командалық-штабтық оқу-жаттығуы өтті

2025 жылғы 17–26 қараша аралығында Маңғыстау облысының аумағында қысқы кезеңдегі төтенше жағдайлардың алдын алу және оларды жоюға дайындықты арттыру мақсатында «Қыс-2025» командалық-штабтық оқу-жаттығуы өткізілді.

Сонымен қатар, облыс көлемінде қысқы кезеңге дайындық шараларын пысықтау үшін қала және аудандарда 14 кіріспе бойынша практикалық жаттығулар өткізіліп, төмендегідей шараларды қамтыды:

Қысқы кезеңде Азаматтық қорғаудың мемлекеттік жүйесінің төтенше жағдайларды жоюға дайындығы мен қабілеттілігін арттыру;

Көлік жолдары мен тіршілікті қамтамасыз ету объектілерінің жұмысы бұзылған жағдайда басқару органдарының, жергілікті атқарушы органдардың және облыстық АҚМЖ бағынысты күштерінің ұйымдастырушылық және практикалық іс-қимылдарын пысықтау;

Азаматтық қорғау қызметтері мен құралымдарының жедел штабтарының жұмысын ұйымдастыру;

Қысқы кезеңде туындауы мүмкін төтенше жағдайларға азаматтық қорғау қызметтері мен құралымдарының ден қою дайындығын тексеру.

Оқу-жаттығуға Азаматтық қорғаудың мемлекеттік жүйесінен 1002 адам және 337 бірлік техника жұмылдырылды.

Маңғыстау облысы ТЖД