Жаңа әкімшілік нысан Қарақия ауданында жұмысын бастады

Қарақия ауданында Қазақстандағы алғашқы әкімшілік ғимараттың салтанатты ашылуы өтті. Салтанатты рәсімге Төтенше жағдайлар министрі генерал-лейтенант Аринов Шыңғыс, Қарақия ауданының әкімі Сымбат Төретаев, департамент бастықтары, сондай-ақ жергілікті билік органдарының өкілдері мен ТЖ бөлімшелерінің қызметкерлері қатысты.

Жалпы ауданы 288 шаршы метр болатын бір қабатты ғимарат заманауи стандарттар мен талаптарға сәйкес салынған. Ол халық үшін Қауіпсіздікке, қолжетімділікке және ыңғайлылыққа қойылатын заманауи талаптарды ескере отырып жасалған. Мұнда азаматтық қорғау саласында жедел ден қоюды, үйлестіруді және қолдауды қамтамасыз ететін қызметтер жұмыс істейтін болады.

 Ғимараттың ішкі жоспарлауы ойластырылған және функционалды. Үй-жайларда бөлім бастығының, ТЖБ бастығының, инспекторлық құрамның, аға анықтаушының кабинеттері орналасқан. Сондай-ақ жеке құраммен жиналыстар, нұсқамалар және қызметтік іс-шаралар өткізуге арналған кең және жарқын акт залы, азаматтарды қабылдауға арналған бөлме және қажетті нормаларға сәйкес жабдықталған санитарлық торап көзделген.

 Әкімшілік объект республикалық бюджеттен қаржыландыру кезінде және ішінара жергілікті атқарушы органдардың қаражаты есебінен, сондай-ақ "Ақжол құрылыс" ЖШС, "Каспий цемент" ЖШС және "КББ Корпорация"ЖК компанияларының қолдауымен тұрғызылды. Іргелес аумақ ұқыпты абаттандырылған.

Барлық әкімшілік аймақ сапалы қоршаумен толығымен қоршалған, сәндік төсеніштер төселген және қызметтік көліктің ыңғайлы қозғалысы үшін асфальтталған.

Жеке құрамның жайлы демалысы үшін аулада әдемі сәндік субұрқақ орнатылды.

Іс-шараға қатысушылар нысанның ашылуы аудан инфрақұрылымын дамытудағы маңызды қадам болатынын, азаматтық қорғау саласында мемлекеттік қызметтер көрсету сапасын арттыратынын және халық саны 38400-ге жуық Қарақия ауданының қызметкерлері мен келушілері үшін қолайлы жағдай жасайтынын атап өтті.

Маңғыстау облысы ТЖД