Мен және менің отбасым      

    Жуырда  Қызылорда облысының Төтенше жағдайлар департаментінің  Дағдарыс орталығында  Отбасы күніне орай  «Мен және менің отбасым» тренингі ұйымдастырылды. Ондағы мақсат – ата-аналардың бала тәрибесі дамуында ролінің зор екендігін ұғындыру. Ата-аналар мен балалардың қарым-қатынасын нығайту, екі жақтың бір-біріне  түсінісушілігін арттыру.

         Тренинг кезінде сөйлеушіге кедергі келтірмеу, бір-біріне кедергі жасамау, бірігіп жұмыс жасау, күлімсіреу ережелері орындалды.

         Сонымен бірге тренингте: «таныстыру», «мен түсінемін», «балаңызды қаншалықты білесіз?»,  «қолынан танып біл»,  «ата-анамның үні» кезеңдері өткізілді.

         «Барлық кезеңдер  ата-ана мен бала арасында ерекше байланыс барын дәлелдеді.  Бала - ата-ана ізін  жалғастырушы. Бала  тәрбиесі – жақсылығы мен қиындығын қатар алып жүретін күрделі процесс. Отбасы кез-келген адам үшін зор маңызға ие.»,-деді аталмыш тренингтің ұйымдастырушысы, Психологиялық қызмет тобының бас маман-психологі азаматтық қорғау майоры А.Тілеуқабылова.

         Соңында тренинг қатысушылары хормен «Айналайын» әнін орындады. Қатысқан отбасыларға алғыс хат табысталды.

Қызылорда облысы ТЖД