Дәстүр мен мәдениетті сақтау: ТЖД қызметкерлері облыстық музейге барды

Қызылорда облысы Төтенше жағдайлар департаментінің қызметкерлері «Наурызнама» онкүндігі аясында 16 наурыз - «Мәдениет және ұлттық салт-дәстүр күніне» орай облыстық тарихи-өлкетану музейіне барды.

Мәдениет және ұлттық салт-дәстүр күні қазақ халқының мәдениетін, өнерін және ұлттық құндылықтарын насихаттауға бағытталған. Музейге бару барысында қызметкерлер өңірдің бай мәдени мұрасын айқындайтын тарихи жәдігерлермен, сондай-ақ ата-бабаларымыздың салт-дәстүрлері мен әдет-ғұрыптарымен танысты.

Облыстық тарихи-өлкетану музейдің 86 жылдық тарихы бар және 70 мыңнан астам экспонаттар сақталған. Сонымен қатар экспозициялар LED-экрандар, голограммалар, TOUCH-панельдер, SMART-витриналар, бейнепроекциялар, интерактивті инсталляциялар, 3D-турлар және жасанды интеллект элементтері арқылы ұсынылған заманауи зал жұмыс істейді.

Мұндай іс-шаралар ұлттық мәдениетке деген құрметті арттыруға, тарихи сананы сақтауға және патриоттық тәрбиені беруге дәріптейді.

Қызылорда облысы ТЖД