Роскосмос ғарышкерлері ХҒС бортынан Қазақстан Республикасының ТЖМ-ін құттықтады

Роскосмос ғарышкерлері ХҒС бортынан Қазақстан Республикасының ТЖМ-ін құттықтады

 Биыл 19 қазанда Қазақстан Республикасының Төтенше жағдайлар министрлігі құрылғанына 30 жыл толуын атап өтті. Айтулы күнге орай ведомствоның қызметкерлері мен ардагерлерін Жер орбитасынан — Халықаралық ғарыш станциясының бортынан құттықтады.

  Құттықтау сөздерін Халықаралық ғарыш станциясы экипажының құрамында болған «Роскосмос» мемлекеттік корпорациясының ғарышкерлері Сергей Кудь-Сверчков, Сергей Микаев, Олег Платонов жолдады. Өз үндеулерінде олар қазақстандық құтқарушыларға олардың ержүрек әрі жанқиярлық еңбегі үшін құрмет пен алғысын білдірді.

Біз, Роскосмос ғарышкерлері — Сергей Кудь-Сверчков, Сергей Микаев және Олег Платонов, сіздерді Халықаралық ғарыш станциясының бортынан сәлем жолдаймыз. Сіздерді Төтенше жағдайлар министрлігінің құрылғанына 30 жыл толуымен құттықтаймыз. Сіздердің қызметтеріңіз ерлік, жанқиярлық және парызға адалдықтың айқын көрінісі. Сіздер күн сайын адамдардың өмірін құтқарып, халықты түрлі апаттардан қорғап келесіздер. Сіздер бірлік пен рух күшінің үлгісісіздер. Сіздерге амандық, игілік және жаңа жетістіктер тілейміз. Мерекелеріңізбен!

Халықаралық ғарыш станциясынан жолданған құттықтау Қазақстан Республикасының Төтенше жағдайлар министрлігі құтқарушыларының күнделікті еңбегіне көрсетілген қолдау мен құрметтің символына айналды.

https://www.instagram.com/reel/DSXA8EtjHnr/?igsh=MWJ2ejdzN2c0a3Yzbw==

https://vm.tiktok.com/ZMD8FEXye/ 

https://youtube.com/shorts/WZ5hsWTc5gI?si=VfTDNzP0VrYxqk0-

https://youtu.be/6ud5q-XTTOo?si=JGbIp2MWkCkqmRei

https://t.me/qr_tjm/32664

https://t.me/qr_tjm/32665

https://i2.app.link/Epj6ovmyaZb