«Республика күніне» орай салтанатты іс-шара өткізілді  

         Қызылорда облысы ТЖД бастығы полковник Мадияр Мырзагелдиевтің қатысуымен «Достық» мәдениет үйінде «Республика күніне» орай салтанатты іс-шара ұйымдастырылды. Онда бірқатар азаматтық қорғау органдарының қызметкерлері, сала ардагерлері, мемлекеттік емес өртке қарсы қызметтің, үкіметтік емес ұйымдардың өкілдері марапатталды.

          Атап айтқанда, «ТЖМ-30 жылдығы» медалімен  3 сала ардагері, 23 қызметкер, Қызылорда облысы әкімінің алғыс хатымен 7  қызметкер марапатталды. Сонымен бірге, арнаулы атақты бір саты жоғары беру бойынша: «азаматтық қорғау старшинасы» атағы 9 өрт сөндірушіге тапсырылды. «Аға сержант» атағы 2 өрт сөндірушіге, «сержант» атағы 6 өрт сөндірушіге берілді. Оған қоса Қызылорда облысы ТЖД бастығының алғыс хатымен бірқатар қызметкерлер марапатталды.

          Жиын соңында облыстық ардагерлер ұйымының ардагері Ақмарал Сермағамбетова жиынға қатысушыларды мерекемен құттықтап, өзіне көрсеткен ілтипат пен құттықтау үшін Департаменттің басшылығына ризашылық білдірді.

Қызылорда облысы ТЖД

Республика күні

Құттықтау

Салтанатты іс-шара