Қостанай облысы ТЖД жұмыс берушінің күнінде бос жұмыс орындарын ұсынды

«Жұмысшы мамандықтары жылы» аясында Қостанайда жұмыс берушілер күні – жастардың қаланың жетекші ұйымдарының өкілдерімен кездесулеріне арналған ауқымды алаң өтті. Шараға әр саладан 60-тан астам жұмыс беруші қатысып, келушілер саны бірнеше жүз адамнан асты.

Шараға Қостанай облысының Төтенше жағдайлар департаменті де қатысты. Жас талапкерлерге өрт сөндіруші-құтқарушысы және өрт сөндіру көлігінің жүргізушісі бос жұмыс орындары ұсынылды - ерлік, жоғары жауапкершілік және қиын кезеңде көмекке келуге дайын болуды талап ететін мамандықтар.

Төтенше жағдайлар департаментінің қызметкерлері жұмыспен қамту мәселелері бойынша барлық мүдделі тұлғаларға кеңес берді, оларға азаматтық қорғау органдарында жұмыс істеу ерекшеліктері, жұмысқа орналасу шарттары туралы, сондай-ақ Қазақстан Республикасы Төтенше жағдайлар министрлігінің Азаматтық қорғаныс академиясында оқудан өту мүмкіндіктері туралы айтты. Сонымен қатар, кездесуге қатысушыларға кандидаттарға қойылатын негізгі талаптар мен қажетті құжаттар тізімі көрсетілген ақпараттық парақшалар таратылды.

Мұндай іс-шаралар жастардың болашақ мамандығын таңдауына көмектеседі. Төтенше жағдайлар министрлігі қатарындағы қызмет қоғам үшін маңызды салалардың бірі болып қала береді.