Қостанайда өрт қауіпті кезеңіне байланысты профилактикалық іс- шара өтті

Іс-шараға жергілікті атқарушы орган өкілдері мен мемлекеттік орман күзетінің қызметкерлері қатысты.
Рейд барысында демалыс аймақтарынын құрғақ шөптерді отпен тұтатпау, қоқысты рұқсатсыз өртеу, сондай-ақ отты абайсыз пайдалану сияқты құқық бұзушылықтар анықталды. Нәтижесінде бірқатар азаматтарға әкімшілік хаттама толтырылып, айыппұл салынды.

— Мұндай рейдтердің басты мақсаты – жаз мезгіліндегі өрттердің алдын алу. Әсіресе, ашық алаңда от жағу, құрғақ шөп пен қоқысты өртеу үлкен қауіп төндіреді. Бұл мәселеге бейжай қарауға болмайды, — дейді ТЖД қызметкерлері.

Сонымен қатар, тұрғындарға өрт қауіпсіздігі талаптары бойынша түсіндіру жұмыстары жүргізіліп, арнайы жадынамалар таратылды. Мамандар төтенше жағдай туындаған жағдайда 101 немесе 112 нөміріне жедел хабарласу қажеттігін еске салды.

Қостанай облысының ТЖД