Газ аспаптарымен жұмыс істеу кезінде ерекше сақ болу керек
Бұл туралы Қостанай облысы Төтенше жағдайлар департаментінде өткен брифингте айтылды. БАҚ өкілдерімен кездесуге ағымдағы жылғы 16 қарашада Ақмола облысының Шортанды кентінде болған қайғылы оқиға себеп болды. Болжам бойынша үш адам тұрғын үйде газ баллонының жарылуы мен одан кейінгі өрттің құрбаны болған.
Қостанай облысының ТЖД және өнеркәсіптік қауіпсіздік департаментінің өкілдері газ құралдарын дұрыс пайдаланбау, өрт қауіпсіздігінің қарапайым ережелерін сақтау кезіндегі өрт және газ-ауа қоспасының жарылысы фактілері мен себептері туралы айтып берді.
Ағымдағы жылдың басынан бастап төтенше жағдайлардың алдын алу үшін ТЖД және ӨҚД қызметкерлері «Атамекен» ҰКП базасында 3 дөңгелек үстел өткізді. Іс-шара тауарлық газды өткізуді және тасымалдауды жүзеге асыратын кәсіпорындар басшыларының қатысуымен өтті. Тұрмыстық газ сату орындары бойынша 450-ден астам рейд ұйымдастырылды. Сонымен қатар, «База Сжиженного Газа» ЖШС көмегімен өрт қауіпсіздігі саласындағы білімді насихаттау мақсатында 4 бірлескен акция жүзеге асырылды, 25 000-нан астам газ тұтынушы қатысты. Осы жұмыс аясында 35 мыңнан астам үгіт материалдары таратылды.
Қостанай ТЖД азаматтық қорғау подполковнигі, мемлекеттік өрт бақылау басқармасы бастығы А.Теміровтің айтуынша қабылданып жатқан шараларға қарамастан, газ жабдығын қауіпсіз пайдалану мәселесі біздің өңір үшін әлі де өзекті болып отыр. Өкінішке орай, газ құралдарын пайдалану кезінде өрт, жарақаттану және адамдардың қаза болу жағдайлары жыл сайын өрт есебінің статистикалық деректерінде көрініс табады.
Ағымдағы жылдың басынан бастап Қостанай облысында газ аспаптарын пайдалануды бұзу салдарынан ТЖ-дың 3 фактісі тіркеліп, зардап шеккендер анықталды.
Соңғы рет осындай жағдай 2021 жылғы 19 сәуір күні Алтынсарин ауданындағы И.Омаров ауылында тіркелген. Газ баллонының таралуына байланысты газ-ауа қоспасының төмен қуатты жарылысы пайда болды. Үй иесі күйік алып (20% жоғарғы аяқ-қол және 2 дәрежелі бет, орташа дәрежелі жағдайы), Қостанай облыстық ауруханасының травматологиялық бөлімшесіне жатқызылды.
ӨҚД бөлімінің басшысы С.Өмірзақов атап өткендей, газ баллондарын пайдалану кезінде қауіпсіздік талаптарының бұзылуына байланысты болған жағдайларды талдау адамдардың өмірі үшін ең үлкен қауіп газ шаруашылығындағы қарапайым қауіпсіздік талаптарының сақталмауы екенін көрсетеді.
Спикердің айтуынша, газ құрылғыларының жарамдылығын және газдың ағып кетуін үнемі тексеріп отыру керек, үй-жайға газдың кіруін жабатын крандарға қол жетімділіктің бар-жоғына назар аудару керек. Желдету жүйесінің жұмысын тексеріңіз.
Өнеркәсіптік қауіпсіздік өкілі жеке үйлердің тұрғындарын тұрмыстық газ құрылғыларына байыпты қарауға шақырды. Кепілдік таллонынсыз газ баллондарын және рұқсат құжаттарынсыз өртке себеп болуы мүмкін газға арналған ақаулы сыйымдылықтарды сатып алмауды жіті ескертті.
Қостанай облысының ТЖД
Мемлекеттік өрт
бақылау басқармасы