Не «әлсіз жыныс»: азаматтық қорғау жүйесіндегі әйелдер

8 наурыз қарсаңында Қостанай облысы ТЖД жүйесінде күн сайын өрт қауіпсіздігін күзетіп жүрген әйелдер туралы баяндаймыз.

Азаматтық қорғау подполковнигі Ляззат Жагпарова жүйеде 2008 жылдан бері қызмет етеді. Аудандық бөлімшенің инженері қызметінен — Мемлекеттік өрт бақылауы басқармасының бас маманына дейінгі жолдан өтті. Ол өрт қауіпсіздігі туралы тіпті балаларға да түсінікті тілде жеткізеді: қуыршақ театрлары, интерактивтер, көрмелер, мектептер мен балабақшалардағы сабақтар. Қауіпсіздік мәдениеті балалық шақтан басталады — және оны өзі қалыптастырып келеді.

Азаматтық қорғау аға лейтенанты Нургүл Ізтлеуова 2016 жылдан бері қызметте. Еңбек жолын Қостанай қаласындағы №5 өрт сөндіру бөлімінің радиотелефонисі болып бастаған. Бүгінде — Мемлекеттік өрт бақылауы басқармасының бас маманы. Ашық мінезді, жігерлі маман Департаменттің қоғамдық өміріне белсенді қатысып, мемлекеттік бақылау саласында сенімді еңбек етуде.

Азаматтық қорғау лейтенанты Інкәр Асылбекова қызмет жолын хатшы болып бастаған. Мамандыққа қызығушылық танытып, аттестациядан өтіп, конкурсқа қатысып, офицер атанды. Қазіргі таңда — техникалық нормалау бөлімінің инженері. Жас болса да, кәсіби және шығармашылық тұрғыда дамып келе жатқан сенімді маман.

Әртүрлі атақ. Әртүрлі жол.
Бір миссия — Қостанай облысы тұрғындарының қауіпсіздігі.