Азаматтық қорғау органдарының ардагері: Татьяна Цайдың қызмет жолы

Қостанай облысы ТЖД-де қызметті өмірінің мәніне айналдырған жандар еңбек етеді. Солардың ішінде жауапкершілігі, табандылығы мен кәсібилігі арқылы өңірдің заманауи азаматтық қорғау жүйесінің негізін қалауға үлес қосқан әйелдердің орны ерекше. Солардың бірі – ардагер Цай Татьяна Анатольевна.

Татьяна Анатольевна қызмет жолын 1994 жылы Қостанай облысы ІІБ УПО-сының Рудный химия зауытын күзеткен №129 Әскерилендірілген өрт сөндіру бөлімінің кадр тобының кіші инспекторы лауазымынан бастады. Өртке қарсы қызметтегі тәртіп, ұйымшылдық және адам өмірі үшін жауапкершілік ахуалы оған бірден жақын болды. Ол өрт сөндірушілердің жұмысын қызығушылықпен бақылап, бөлімге ұлын ертіп келетін. Татьяна бір күні өрт сөндірушілер секілді сырғанау бағанасымен түсуді армандайтын: талай рет шахтаға жақындап, жиегіне дейін барып, бірақ қорқыныш жеңіп тоқтап қалатын. Соған қарамастан, бұл арман оның қызметке деген ішкі ұмтылысының символына айналды.

Кәсіби жолының басым бөлігін Татьяна Анатольевна кадрлық жұмысқа арнады. Үздіксіз өзін-өзі жетілдіруі, өзіне деген талапшылдығы және адамдармен жұмыс істей білуі оған подполковник шеніне дейін көтерілуге және «Өрт сөндіру және авариялық-құтқару жұмыстары қызметі» ММ кадр жұмысы бөлімінің бастығы лауазымында қызметін аяқтауға мүмкіндік берді. Сегіз жылдан астам уақыт бойы ол бөлімді басқарып, әрбір қызметкер мен үміткерге жеке тәсіл табуға ұмтылды, қызметтегі адами фактордың маңызын терең түсінді.

Азаматтық қорғау жүйесіндегі өзгерістер туралы айта келе, Татьяна Анатольевна материалдық-техникалық базаның едәуір нығаюын, заманауи нысанды киімдер мен арнайы жабдықтардың енгізілуін, сондай-ақ құжаттарды қолмен рәсімдеудің орнына келген кадрлық үдерістердің цифрландырылуын ерекше атап өтеді.

Бүгінде Татьяна Анатольевна Қостанай облысы ТЖД-де еңбек жолын жалғастырып, қызметке адалдықтың, таңдаған жолына беріктіктің және азаматтық қорғау органдарының жоғары мұраттарына қызмет етудің жарқын үлгісі болып келеді.

Жас қызметкер қыз-келіншектерге ол қорықпауға, мақсатты нық қойып, соған сенімді түрде ұмтылуға кеңес береді.