Азаматтық қорғау органдарының қызметкерлері арасында «Қазақ күресінен» республикалық турнир басталды

  Қостанай облысының Тобыл қаласында азаматтық қорғау органдары қызметкерлері арасында «Қазақ күресінен» жарыстар басталды. Еліміздің түкпір-түкпірінен өз шеберліктерін, қайсарлықтарын және ұлттық спорт дәстүрлеріне деген адалдықтарын көрсету үшін ТЖМ бөлімшелерінің үздік өкілдері келді.

  Жарыстарға өңірлік  төтенше жағдайлар департаменттерінің, сондай-ақ 55209, 52859, 28237 әскери бөлімдерінің және Мәлік Ғабдуллин атындағы Азаматтық қорғау академиясының 20 құрама командасы қатысуда. Барлығы 87 спортшы өнер көрсетеді.

  Ашылу рәсіміне Қазақстанның ТЖМ «BATYR TEAM» спорт клубының атқарушы директоры Әділ Қайырбаев, өңірдегі мемлекеттік органдардың басшылары, Қостанай облысында «Қазақ күресін» дамытуға еңбек сіңірген бапкер Жұмақан Қасымханов және «Қазақ күресінен» Әлем кубогы мен Азия чемпионатының жеңімпазы Ерлан Омаров қатысты.

  Турнирді өткізу ұлттық спорт түрлерін дамытуға, қызметкерлердің рухын көтеруге және азаматтық қорғау органдары қызметкерлері арасында салауатты өмір салтын насихаттауға бағытталған.

  Турнирдің тікелей эфиріне сілтеме: https://www.instagram.com/112qostanai/live/18072898226387510?igsh=OTN6dDMyb3E1b21u.