Қарағанды облысында 2026 жылдың өрт қауіпті кезеңіне дайындық тексерілді

Қарағанды облысы ТЖД, табиғи ресурстар және табиғат пайдалануды реттеу басқармасының, жергілікті атқарушы органдардың және «Қазавиақұтқару» АҚ күштері мен құралдарының дайындығы тексерілді. Тексеру барысында техника, құрал-жабдықтар және жеке құрамның өрт қауіпті кезеңде жедел әрекет етуге дайындығы жан-жақты бағаланды.

Атап айтқанда, өрт сөндіру автокөліктерінің, арнайы техникалардың, байланыс құралдарының жұмысқа жарамдылығы, сондай-ақ жеке құрамның теориялық және практикалық дайындығы пысықталды. Сонымен қатар, орман және дала өрттерін сөндіру кезінде өзара іс-қимыл алгоритмдері тексерілді.

Мұндай іс-шаралар өңірдегі төтенше жағдайлардың алдын алу және олардың салдарын барынша азайту мақсатында жүйелі түрде жүргізілуде.