Қарағанды облысында 2026 жылғы су тасқыны кезеңіне дайындық шаралары күшейтілуде

  Қарағанды облысында 2026 жылғы су тасқыны кезеңіне кешенді дайындық жалғасуда. Гидрологиялық ахуалдың жай-күйін, қабылданып жатқан алдын алу шараларын және өңірдің дайындығын Қазақстан Республикасы Премьер-Министрінің орынбасары Қанат Бозымбаев пен Төтенше жағдайлар жөніндегі вице-министр Кеген Тұрсынбаев тексерді.

  Премьер-Министрдің орынбасары мен ТЖ вице-министрі өңірдегі өзендерінің бассейндеріне әуеден шолу жасап, ахуалмен танысты, бейінді қызметтердің су тасқынына қарсы іс-шаралардың орындалу барысы туралы баяндамаларын тыңдап, су басу қаупіне баға берді.

  Өңірде су тасқыны қаупін азайтуға бағытталған жүйелі жұмыстар жүргізілуде: өзен арналарын тазалау және санациялау, қорғаныш білектері нығайтылуда, автокөлік жолдары мен гидротехникалық нысандардың су өткізгіштігі күшейтілуде. Қазіргі уақытта Нұра мен Шерубай-Нұра өзендерінің жоғарғы ағыстарында қардың еруі процесі әлі басталмаған, өзендер қысқы режимде, қар қалыңдығы аз.

  ТЖ вице-министрі Кеген Тұрсынбаев азаматтық қорғау күштері мен құралдарының жедел әрекет етуге дайын екенін атап өтті. ТЖМ су тасқыны жағдайын тұрақты бақылап, барлық қатысушы қызметтердің әрекеттерін үйлестіруді қамтамасыз етеді. Алдын алу шаралары өңірдің тұрғындары мен инфрақұрылымын қорғауға бағытталған.