Қарағанды облысында «Қауіпсіз терезе» атты облыстық профилактикалық акция өтуде

Қарағанды облысында 16–20 маусым аралығында балалардың терезеден құлау жағдайларының алдын алу мақсатында «Қауіпсіз терезе» атты облыстық профилактикалық акция өтуде.

Акцияның мақсаты – түсіндіру жұмыстары арқылы балалар мен ересектерге қауіпсіздік шараларын жеткізу.

Іс-шаралар аясында өңір балабақшаларында бірқатар алдын алу жұмыстары жүргізілді. Атап айтқанда, ТЖД қызметкерлері мен білім бөлімі бірлесіп бүлдіршіндерге арналған «Терезе – ойыншық емес!» атты интерактивті сабақтар өткізілді. Балаларға терезенің қауіптілігі туралы бейнеролик көрсетіліп, қауіпсіздік ережелерін ойын арқылы көрсетті. Ата-аналар мен тәрбиешілерге жадынамалар таратылып, терезе бекіткіштерінің (блокираторлар) таныстырылымы өтіп, олардың қалай жұмыс істейтіні және орнату жолдары түсіндірілді.

Төтенше жағдайлар департаменті ата-аналарды балалардың қауіпсіздігіне бей-жай қарамауға, сақтық шараларын сақтауға және балаларды үнемі бақылауда ұстауға шақырады.