Атырауда «Үздік қарауыл бастығы-2024» анықталды

Атырауда «Үздік қарауыл бастығы-2024» анықталды

 

2024 жылдың 14 тамыз күні «Атырау облысы ТЖД Өрт сөндіру және авариялық-құтқару жұмыстары қызметі» РММ мамандандырылған өрт сөндіру бөлімдері арасында «Үздік қарауыл бастығы-2024» байқау сайысы өткізілді.

Аталған сайысқа өрт сөндіру бөлімдерінен 13 қарауыл бастығы қатысты. Сайыстың басты мақсаты әр қызметкердің кәсіби және жауынгерлік дайындықтарын арттыру.

 

Сайыс 5 кезеңнен өткізілді:

1) 20 сұрақтан құрылған ТЕСТ сұрақтарына жауап берді;

2) Оқу мұнараның 4-қабатының терезесіне шабуыл сатысымен көтерілу;

3) 4-қабат терезесінен өзін-өзі құтқару;

4) жауынгерлік қанат жаю;

5) дене шынықтыру дайындығы бойынша нормативтер орындау (керме мен арқалыққа тартылу).

Ұйымдастырылған сайыс кезеңдері өз күрделігімен ерекшеленеді. Әр қарауыл бастығы бірінші өрт сөндіру жетекшісі болғандықтан  кез-келген өрт оқиғасы немесе қандайда бір төтенше жағдай кезінде сақадай сай болуы тиіс.

Осыған орай, сайыс нәтижесінде мықты деген 3 үздік жеңімпаз анықталды.

Атап айтқанда:

• ІІІ орынды Атырау қаласы №4 ӨСБ қарауыл бастығы а/қ аға лейтенанты Б. Уахасов,
• ІІ орынды Жылыой ауданы, Жаңа-Қаратон кенті №9 ӨСБ қарауыл бастығы а/қ капитаны Н.Орысбаев,
• І орынды және “ҮЗДІК ҚАРАУЫЛ БАСТЫҒЫ-2024” атағын алған Атырау қаласы №13 МӨСБ қарауыл бастығы (аға инженер) а/қ капитаны Ж. Зағыпаров.

Жеңімпаздарға арнайы диплом, кубок, медаль, белдік (пояс) және бағалы сыйлықтар табысталды.

 

Өрт сөндіру және авариялық-құтқару жұмыстары қызметі