Ардақты ардагеріміз 70 жаста💐

Ардақты ардагеріміз 70 жаста💐

Атырау облысы Төтенше жағдайлар департаментінің бастығы полковник Жаңабаев Нұрлан Мақсотұлы ұжым атынан және азаматтық қорғау органдарының ардагерлері атынан өрт күзеті және ТЖ құрметті ардагері Ли Олег Тхаировичті мерейлі 70 жасымен құттықтады.

О. Ли 1954 жылы 10 маусымда Гурьев қаласында дүниеге келген. Ол КСРО ІІМ Ташкент жоғары өрт-техникалық мектебін бітірген.
Өртке қарсы қызметтегі қызметін 1975 жылы 15 шілдеде Гурьев облысы ІІБ №14 әскерилендірілген өрт сөндіру бөлімінің қарауыл бастығы болып бастады. Өрт сөндірушіден Атырау облысы ТЖ департаменті бастығының орынбасарына дейін үлкен жолдан өтті.

О. Ли Гурьев облысындағы ең қиын және ауыр өртті сөндіруге қатысты. Төтенше жағдайларда әрекет ете отырып, үнемі өз өмірін қатерге тігіп, ол жанқиярлық, жоғары кәсібилік танытты, өрт қауіпсіздігін қамтамасыз ету үшін қолдан келгеннің бәрін жасады. МӨЗ-дегі ірі өрттерді жоюға №4 Цех, №2 Цех, Алкилация қондырғысы, № 3 МХЗ цехы және АНУ мұнайы бар резервуардағы өрттерді сөндіруге және т.б. қатысты.
"Өрт сөндіру және авариялық-құтқару жұмыстары қызметі" ММ ғимаратының құрылысын салуға өз үлесін қосты.

1995 жылы қарашада Олег Тхаирович Атырау облысы ТЖД бастығының орынбасары қызметіне тағайындалды. Бұл қызметте 13 жылдан астам еңбек етіп, полковник шенімен отставкаға кетті. Құрметті ардагер, отставкадағы полковник Ли Олег Тхаирович өрт сөндіру және ТЖ органдарында 35 жылдан астам жұмыс істеді.

Атырау облысында өрт-қолданбалы және өрт-құтқару спортын дамытуға және насихаттауға үлкен үлес қосты. О. Ли команданың жаттықтырушысы ретінде белгіленіп, өрт сөндірушілеріміздің жетістікке жетуіне үлкен үлес қосты.

2020 жылдан бастап О. Ли Атырау филиалының өрт-құтқару спорты федерациясы кеңесінің құрамында болды. 2021 жылы Атырау филиалының өрт-құтқару спорты федерациясы кеңесінің төрағасы болып тағайындалды.

Спорт ардагері талантты спортшылардың бірнеше буынын тәрбиеледі. Бүгінде ол зейнеткерлікке шықса да, өзінің тәжірибесімен жас мамандарды үйретіп келеді.
Жұбайымен бірге қыз өсіріп, бүгінде 4 немеренің сүйікті атасы.

 

Ардақты ардагерімізге зор денсаулық, ұзақ өмір тілейміз!

Атырау облысы ТЖД
Қоғаммен байланыс тобы