Атырау облысында балалардың терезеден құлап кетуінің алдын алу бойынша қосымша шаралар жүзеге асырылуда

Атырау облысының ТЖД, BI Group компаниясымен бірлесіп, балалардың терезеден құлап кету жағдайларының алдын алуға және болдырмауға бағытталған профилактикалық іс-шараларды жалғастыруда.
Бірлескен жұмыс аясында BI Group тұрғын үй кешеніндегі 9 блоктың 1–2-қабаттарындағы кіреберіс топтары, сондай-ақ паркингтің кіреберіс топтары жабдықталды. Домофон жүйелеріне тұрғындарға арналған профилактикалық аудиожазба орналастырылды:
«Есік ашық. Балаларды терезеден қорғаңыз!»
Күнделікті тұрғындар жүріп өтетін орындарда аудиохабарламаларды орналастыру ата-аналар мен басқа да ересектердің балалардың қауіпсіздігіне назарын арттыруға, сондай-ақ тұрғын үйлерде қауіпсіз орта қалыптастыруға жауапкершілікпен қарауды қалыптастыруға бағытталған.