Атырау облысы Төтенше жағдайлар департаментінде жаңа заң талаптары түсіндірілді

Атырау облысы Төтенше жағдайлар департаментінде жеке құраммен жиын өткізіліп, Қазақстан Республикасының мемлекеттік қызмет саласына қатысты жаңадан күшіне енген заңнамалық өзгерістер түсіндірілді.
Іс-шара барысында заңның негізгі жаңашылдықтары, мемлекеттік қызметшілердің құқықтары мен міндеттері, қызметтік әдеп нормалары, сыбайлас жемқорлыққа қарсы талаптар және заң талаптарын сақтау мәселелері жан-жақты талқыланды.
Жеке құрамға жаңа заң талаптарының практикалық маңызы түсіндіріліп, қызмет барысында заңнаманы бұлжытпай сақтау қажеттігі атап өтілді. Сондай-ақ қатысушылар өздерін қызықтырған сұрақтарын қойып, заң талаптары бойынша пікір алмасты.

Мұндай түсіндіру жұмыстары жеке құрамның құқықтық сауаттылығын арттыруға және қызметтік тәртіпті нығайтуға бағытталған.